II Kor 1:10 - Sơ̆p Hlabơar Nơ̆r 'Bok Kei-Dei

¹⁰ Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

II Kor 1:10 Referans Kwoze

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!

Rom 15:31

wă kơ lu bơngai ưh kơ lui tơ dêh Juđê huay kơ pơm kơnê̆ kơ inh. Păng inh wă kơ iĕm krao khan kơ 'Bok Kei-Dei wă kơ lu bơngai lui tơ Pơlei Jêrusalem gơh iŏk jên noh.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Jang 26:21

Kơlih kơ inh pơm thoi noh, na lu bơngai Juđê rôp inh lăm hnam akŭm 'Bok Kei-Dei tơm, na wă pơlôch inh ră.

Êsai 46:3

Ơ adrĕch adrung Jakôp mơ̆ng Inh bĕ păng đĭ-đăng lu iĕm mă oei oei lăm adrĕch adrung Isơrael, Inh bơih pŭ pôk lu iĕm đơ̆ng năr 'nao tơpŭ kơ iĕm, kơ'mĭn lu iĕm đơ̆ng lăm klak mĕ iĕm.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

II Kor 1:9

Nhôn tơchĕng gah lôch đĕch, mă-lei pơm huay huăi. Nhôn băt kơ tơdrong noh truh wă kơ nhôn huay kơ sơđơ̆ng kơ akâu kơdih, wă kơ nhôn gơnang kơ 'Bok Kei-Dei đĕch, yua kơ pôm Sư đĕch gơh tơiung arih kon bơngai.

II Kor 6:9

Đe lăng nhôn thoi bơngai đe ưh kơ ang, mă-lei kư̆m đei bơngai băt kơ nhôn mơ̆n; đe lăng nhôn thoi lĕ kơ bơngai lôch boih, mă-lei nhôn oei arih arăi; đe tôn teh nhôn dêh, mă-lei nhôn huay kơ lôch.