II Ho 7:8 - Sơ̆p Hlabơar Nơ̆r 'Bok Kei-Dei

⁸ Kơplah noh Sôlômôn păng đĭ-đăng kon pơlei Isơrael, lu sư minh tơpôl lơ tơpă năm đơ̆ng tơring Lêbô Hamat truh tơ thong Êyiptơ, pơm giĕng lăm tơpơh năr.

II Ho 7:8 Referans Kwoze

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

Yo 7:2

Lăp wă jê̆ truh năr giĕng đe Juđê mă đe anăn Giĕng Bơsŭn,

Am 6:14

Kră Yang Tih Hloh khan: Ơ hnam Isơrael Inh đei ăn boih minh adrĕch adrung iung blah iĕm, lu sư gô teh pơjuă lu iĕm, iŏk đơ̆ng trong mơ̆t lăm tơring Hamat dĭng truh tơ thong đak Araba

II Ho 30:13

Lăm khei 'bar đei lơ bơngai năm akŭm tơ pơlei Jêrusalem, đei minh khŭl akŭm tih tơpă đei lơlang lơlap kon bơngai wă pơm giĕng 'Bĕng ưh kơ đei 'Buih Pông.

I Pot 8:2

Kơplah lu sư akŭm pơm phĕt, 'noh lăm khei tơpơh lu sư jô̆ khan khei Êthanim, đĭ-đăng lu bơngai Isơrael wang akŭm hơdai hăm pơtao Sôlômôn.

II Ho 5:3

Đĭ-đăng lu drŏ-nglo bơngai Isơrael akŭm năm tơ pơtao wă pơm giĕng trŏ lăm khei tơpơh.

II Ho 30:26

Lăm pơlei Jêrusalem đei tơdrong chơt hiôk tih; đơ̆ng chăl Sôlômôn kon drŏ-nglo Đawit pơtao Isơrael, lăm pơlei Jêrusalem ưh tam biơh đei tơdrong chơt hiôk thoi noh.

Êsêkiên 45:25

Lăm năr mơjĭt-pơđăm khei tơpơh pơm phĕt (pơm phĕt bơsŭn) lăm tơpơh năr, sư kư̆m pơyơ̆r hơmet lei-lăi thoi noh, kơ tơmam soi huai đơ̆ng yoch, tơmam soi 'buh, tơmam soi phe 'ba păng đak rơmă.

Êsêkiên 47:20

Gah bơmơ̆t, rok tơter Đak Dơsĭ Tih, noh hơdral dĭng truh tơ trong năm gah hơlĕch tơ pơlei Lebô Hamat; noh boih hơdral gah bơmơ̆t.