II Ho 7:19 - Sơ̆p Hlabơar Nơ̆r 'Bok Kei-Dei

¹⁹ “Mă-lei tơdah iĕm weh trong plơ̆ng, achăng lê̆ tơdrong juăt păng nơ̆r Inh tơtă mă đei ăn kơ lu iĕm, na jang păng kơkuh kơ yang kơnê̆,

II Ho 7:19 Referans Kwoze

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Lêwi 26:14

Mă-lei tơdah lu iĕm mă ưh kơ mơ̆ng Inh păng ưh kơ pơm kiơ̆ nơ̆r Inh tơtă âu,

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.

Jo 32:15

Tơdah lu iĕm achăng lê̆ Sư, na Sư lê̆ lu adrĕch 'nâu oei hơnơ̆ng lăm char glă păng lu iĕm pơm ăn kơ adrĕch âu lôch đĭ.

Je 9:13

Kră Yang khan: “Yua kơ lu sư achăng lê̆ boih khôi juăt Inh mă đei tơbăt, kư̆m ưh kơ wă mơ̆ng nơ̆r Inh păng kư̆m kuă kơ arih kiơ̆ tơdrong juăt Inh.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

II Ho 33:8

Tơdah Isơrael rok kiơ̆ khôi juăt, nơ̆r tơtă pơkă athei mă Inh yua boih Môis bơtho khan kơ lu sư, lei Inh huay kơ toh lê̆ jơ̆ng lu sư đơ̆ng lăm teh đak mă Inh đei ăn boih kơ lu 'bok lu sư.”