II Ho 34:8 - Sơ̆p Hlabơar Nơ̆r 'Bok Kei-Dei

⁸ Lăm sơnăm mă mơjĭt-tơhngam chăl sư pơgơ̆r, đang kơ sư hơmet tơring char păng hnam akŭm rơgoh boih, na sư wơh Saphan kon drŏ-nglo Asalia, Maaseia bơngai pơgơ̆r pơlei tih păng Jôa kon drŏ-nglo Jêhôahas bơngai chih răk dôm tơdrong truh, wă pơm pơdơ̆ng ming Hnam Kră Yang 'Bok Kei-Dei sư.

II Ho 34:8 Referans Kwoze

II Sam 8:16

Jôap kon tơdăm yă Sêruia pơm yŏng pơgơ̆r linh; Jêhôsaphat kon tơdăm Ahilut pơm yŏng chih răk dôm tơdrong truh.

Êsêkiên 8:11

'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Je 39:14

Athei chă Jêrêmi ba sư lĕch đơ̆ng anih cham lu linh gak, jao Jêrêmi ăn kơ Gêđalia, kon drŏ-nglo Ahikam, sâu Saphan, wă kơ ba Jêrêmi năm tơ hnam sư. Sư oei hơdai hăm lu kon pơlei sư.

Je 36:10

Baruk đŏk dôm nơ̆r Jêrêmi lăm sơnôm hla bơar ăn kơ đĭ kon pơlei mơ̆ng, Banik lăm hnam Kră Yang, lăm anih Gêmaria kon drŏ-nglo Saphan bơngai chih hla bơar, 'bơ̆t cham kơpal, jê̆ 'Măng Jang 'Nao trong mơ̆t tơ hnam akŭm.

Je 29:25

“'Nâu Kră Yang Tih Hloh, 'Bok Kei-Dei bơngai Isơrael khan: ‘Ih đei gơih boih hla bơar kơ đĭ kon pơlei Jêrusalem, kơ 'bok soi Sephania kon drŏ-nglo Maaseia păng kơ đĭ-đăng lu 'bok soi nai khan:

Je 29:21

'Nâu Kră Yang Tih Hloh, 'Bok Kei-Dei bơngai Isơrael khan thoi âu gah Ahap, kon drŏ-nglo Kôlaia păng Sêđekia, kon drŏ-nglo Maaseia, bơngai mă yua anăn Inh khan lê̆ adrol hơlĕnh: “Inh gô jao lu sư kơ Nebukatnessar, pơtao Babilôn, sư gô pơlôch bre noh 'bơ̆t anăp lu iĕm.

Je 29:3

kơthơ noh Jêrêmi hơtă ăn kơ bre Êlasa kon drŏ-nglo Saphan păng Gêmaria kon drŏ-nglo Hilkia mă Sêđekia pơtao đe Juđa wơh bre sư năm tơ char Babilôn tơ'bơ̆p Nebukatnessar pơtao đe Babilôn. Kơthơ noh chih khan:

Je 26:24

Mă-lei Ahikam kon drŏ-nglo Saphan pơma dŏng Jêrêmi, na đe ưh kơ ăn kon pơlei pơlôch ôh.

Je 21:1

Đei nơ̆r đơ̆ng Kră Yang khan kơ Jêrêmi, kơplah pơtao Sêđekia wơh Phashur, kon drŏ-nglo Malkija păng 'bok soi Sephania kon drŏ-nglo Maaseia năm tơ Jêrêmi khan:

II Ho 18:25

Pơtao Isơrael athei đe rôp Mikaia ba sư tơ Ammôn bơngai pơgơ̆r pơlei păng ăn kơ Jôas, kon drŏ-nglo pơtao,

I Ho 18:15

Jôap kon drŏ-nglo Sêruia yŏng kơ đĭ-đăng lu linh, păng Jêhôsaphat, kon drŏ-nglo Ahilut jing tơ'ngla chih răk dôm tơdrong truh.

II Sam 20:24

Adôram pôk sư lăng gah tơdrong đe jang; Jêhôsaphat, kon drŏ-nglo Ahilut, pơm yŏng chih răk dôm tơdrong truh.

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.

II Ho 24:5

Sư krao akŭm lu 'bok soi păng lu bơngai Lêwi, na khan: “Năm tơ jơ̆p-jang kơ pơlei Juđa bĕ, ra pơpôi jên kăk đơ̆ng lu bơngai Isơrael 'măn rim sơnăm wă hơmet ming Hnam Kră Yang 'Bok Kei-Dei lu iĕm; pơm bĕ tơdrong 'nâu mă kuăng.” Mă-lei lu bơngai Lêwi pơhiơ̆ dêh.

II Ho 24:12

Pơtao păng Jêhôiada jao jên noh ăn kơ lu bơngai wei-lăng bơ̆jang lăm Hnam Kră Yang; lu sư apah lu bơngai jang man păng lu bơngai ot 'long, wă pơdơ̆ng ming Hnam Kră Yang; păng wă apah lu bơngai hơjơ̆m bơsei păng kong wă hơmet ming Hnam Kră Yang.