II Ho 34:7 - Sơ̆p Hlabơar Nơ̆r 'Bok Kei-Dei

⁷ Sư teh pơrăm lê̆ lu chơnang soi lu gơ̆ng rup yang Asêria, teh pơchah lê̆ lu gơ̆ng đe pơm yang jơ̆p kơ tơring char Isơrael, na sư wih brŏk tơ pơlei Jêrusalem.

II Ho 34:7 Referans Kwoze

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

Both 9:21

Đơ̆ng noh inh iŏk tơmam, rup kon rơmo mă lu iĕm pơm păng soh lê̆ lăm ŭnh, teh pơhĕch lê̆, dĭng thoi 'mui teh; đơ̆ng noh inh tuh hŭt lê̆ 'mui noh lăm glung đak ro đơ̆ng kông.

II Ho 34:1

Jôsia 'nao lăp tơhngam sơnăm 'bơ̆t kơplah đe pôk sư pơm pơtao păng sư pơgơ̆r đei pêng-jĭt mônh sơnăm lăm pơlei Jêrusalem.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

II Pot 23:19

Pơtao Jôsia kư̆m yuih lê̆ đĭ lu chơnang soi kơkuh kơ yang pơm tơ kơpal anih kơjung, tơ lăm lu pơlei tơring Samari, mă lu pơtao đe Isơrael hlôi pơm wă tơblĕk Kră Yang, sư teng pơchah lê̆ đĭ lu chơnang soi noh kư̆m thoi sư hlôi pơm bơih tơ Pơlei Bethel mơ̆n.

II Ho 14:5

Sư kư̆m hŭt lê̆ đĭ lu jrăng gơ̆ng soi kơkuh kơ yang tơ anih kơjung păng chơnang soi đơ̆ng rim pơlei lăm char Juđa; dêh char sư pơgơ̆r đei hiôk-hian.

Êsai 17:8

Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.

Mi 1:7

Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.

II Pot 10:26

Lu sư yuih lê̆ gơ'bang soi đơ̆ng lăm hnam yang Baal; na soh lê̆.

II Pot 23:15

Sư kư̆m teh pơchah lê̆ chơnang soi tơ Pơlei Bethel păng hnam kơkuh kơ yang mă Jêrôbôam, kon drŏ-nglo Nêbat hlôi pơm, bơngai noh pơm kơ lu bơngai Isơrael pơm yoch; sư teh pơchah lê̆ chơnang soi, soh rŭk lê̆ Hnam kơkuh kơ yang tơ anih kơjung, teh pơhĕch lê̆ dĭng kơ'mey. Sư kư̆m soh lê̆ rup yang yă Asêra.

II Ho 14:2

Asa oei arih 'lơ̆ng păng pơm tơpăt 'bơ̆t anăp Kră Yang 'Bok Kei-Dei sư;