II Ho 26:6 - Sơ̆p Hlabơar Nơ̆r 'Bok Kei-Dei

⁶ Sư iung tơblah hăm lu bơngai Philistin, blah tơlơ̆ dur pơlei Gat, blah pơchah dur Japnê păng dur Asdôt: Sư man pơdơ̆ng ming lơ pơlei lăm tơring Asdôt păng tơ anih nai lăm teh đak Philistin.

II Ho 26:6 Referans Kwoze

Êsai 14:29

Ơ bơngai Philistin, iĕm 'nĕ kơ chhôk 'nă ôh yua kơ sơnguĕt teh iĕm tơgơ̆ bơih, Đơ̆ng tơm rơh adrĕch 'bih gô jing đei 'bih hơkăm, plei đơ̆ng 'bih hơkăm gô jing 'bih ŭnh gơh păr.

II Ho 21:16

Kră Yang kư̆m pơm ăn jơhngơ̆m lu bơngai Philistin păng kon pơlei Arâp mă oei jê̆ kon pơlei Êthiôpi, iung blah Jêhôram.

I Ho 18:1

Đang kơ noh Đawit tơblah hăm lu bơngai Philistin jei sư, păng lu sư chu kiơ̆, păng blah iŏk pơlei Gat hăm đĭ-đăng lu pơlei iĕ jum dăr đơ̆ng lu Philistin.

II Sam 8:1

Đơ̆ng rŏng kơ noh Đawit blah bơngai Philistin jei sư, pơjei iŏk pơgơ̆r lu pơlei tih đơ̆ng lu sư păng rôp lu sư pơm bơnă, Đawit blah iŏk pơlei Mathek Ama đơ̆ng bơngai Philistin.

I Sam 5:6

Ti Kră Yang tuh ăn tơdrong pơmat-tat tih kơ kon pơlei Asdôt, ba tơdrong hli krưp, pơm ăn răm truh tơ lăm lu sư păng lu pơlei oei jê̆ kiơ̆ ei đei, tơdrong jĭ tôch hơbuh.

I Sam 5:1

Đơ̆ng rŏng kơ kon pơlei Philistin blah iŏk Hom Pơgơ̆p Kră Yang 'Bok Kei-Dei, đơ̆ng Êbênêser tơ pơlei Asdôt.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Am 6:2

Năm bĕ tơ pơlei Kalneh păng lăng, yak năm bĕ đơ̆ng noh truh tơ pơlei tih Hamat, jur hloi tơ pơlei Gat lu bơngai Philistin. Lu pơlei noh 'lơ̆ng hloh kơ dêh âu hă? Hăm trŏ kơ dêh noh să hloh kơ dêh iĕm?

Jôsuê 15:11

Hơdral sư kiơ̆ rok tơter kông gah yă-nơ̆m kơ Ekrôn, rok dăr truh tơ gah Sikêrôn, 'moi rok Kông Baala, truh tơ Japnêl, tôch tơ đak dơsĭ.

Jôsuê 15:47

Pơlei Asdôt hăm lu pơlei tih iĕ sư, pơlei Gasa hăm lu pơlei iĕ lu sư truh tơ glung Êyiptơ păng truh tôch tơ jih đak Dơsĭ Tih.

II Ho 11:8

pơlei Gat Marêsa, pơlei Sip,

Êsai 20:1

Lăm sơnăm Sargôn pơtao dêh Asiri wơh Tartan năm tơ pơlei Asdôt, blah păng iŏk pơlei noh.