II Ho 26:13 - Sơ̆p Hlabơar Nơ̆r 'Bok Kei-Dei

¹³ Lu sư pơgơ̆r khŭl linh đei pêng-hrĕng tơpơh-rơbâu pơđăm-hrĕng 'nu, lu bơngai nuih ngăl, wă tơgŭm pơtao tơblah hăm lu bơngai ayăt.

II Ho 26:13 Referans Kwoze

II Ho 25:5

Amasia krao akŭm đĭ lu bơngai Juđa kiơ̆ kơ adrĕch adrung 'bok sư lăm Juđa păng Bênjamin, na pơjao ăn pơm yŏng pơgơ̆r kơ minh-rơbâu 'nu, minh-hrĕng 'nu; jô̆ iŏk đơ̆ng 'bar-jĭt sơnăm tơ kơpơ̆ng, đei pêng-hrĕng rơbâu 'nu lu bơngai mă gơh năm tơblah, chĕp khêl hơlă.

II Ho 14:8

Asa đei pêng-hrĕng rơbâu linh đơ̆ng bơngai Juđa đei khêl tih păng tơju; đei 'bar-rơbâu 'nu linh đơ̆ng bơngai Bênjamin chĕp khêl iĕ păng hră; đĭ-đăng lu sư tă kơ linh nuih kơtang ngăl.

II Ho 13:3

Abija năm tơblah chĕp ba linh, puăn-hrĕng rơbâu linh nuih pran kơtang; gah Jêrôbôam năm tơblah hăm sư chĕp ba tơhngam-hrĕng rơbâu linh, 'nâu lu linh nuih pran kơtang

II Ho 11:1

Rêhôbôam wih brŏk tơ Jêrusalem, akŭm pơđĭ lu linh bơngai Juđa păng Bênjamin, đei minh-hrĕng tơhngam-jĭt rơbâu 'nu wă tơblah hăm lu bơngai Isơrael, wă kơ pơdrâu iŏk dêh char ăn kơ Rêhôbôam dơ̆ng.

II Ho 12:1

Wă Rêhôbôam pơgơ̆r dêh char sư pran kơjăp boih, na sư păng lu bơngai Isơrael kiơ̆ Sư achăng lê̆ ưh pă kiơ̆ khôi juăt Kră Yang.

II Ho 26:12

Jô̆ đĭ-đăng lu yŏng kơdră adrĕch 'bă, wă khan lu bơngai nuih pran đei 'bar-rơbâu tơdrâu-hrĕng 'nu.

II Ho 26:14

Usia hơmet pơchĕp ăn kơ khŭl linh, khêl, đao tơju, môk mam, ao lŏ mam, hră păng 'brơ̆m tơmo wă prah.

II Ho 14:7

Sư khan kơ kon pơlei Juđa: “Bĕ bơ̆n pơdơ̆ng tơiung pơlei tih kơjăp, man dur tăp dăr, pơm hnam thôt gak, pơm 'măng jang, 'long chơkăl; char 'nâu oei dêh char bơ̆n, yua kơ lu bơ̆n chă Kră Yang 'Bok Kei-Dei lu bơ̆n; lu bơ̆n chă boih Sư, na Sư ăn kơ bơ̆n đei hiôk-hian tăp dăr.” Lu sư tơiung pơdơ̆ng pơlei keh păng arih sa jơnap.