II Ho 24:25 - Sơ̆p Hlabơar Nơ̆r 'Bok Kei-Dei

²⁵ Wă lu linh Siri weh tơ nai boih, lê̆ Jôas đei rơka jrŭ dêh. Lu Yŏng bơ̆jang kơ sư pơđâu wă pơm kơnê̆ kơ sư, wă tơiung kơting pơm 'mong pham kơ kon drŏ-nglo Jêhôiada 'bok soi, na đe pơlôch hloi Jôas 'bơ̆t kơpal giơng tep sư; đe 'bŭ sư tơ lăm Pơlei Đawit, mă-lei ưh kơ 'bŭ hơdai lu pơtao.

II Ho 24:25 Referans Kwoze

II Ho 28:27

Ahas lôch oei hơdai pơdơh hăm lu 'bok sư păng đe 'bŭ sư lăm pơlei Jêrusalem; mă-lei ưh kơ đei 'bŭ tah hơdai hăm bơsat lu pơtao Isơrael. Hesekia kon drŏ-nglo sư pơm pơtao pơgơ̆r pơtrơp sư.

Tơdrông Tơ'bôh 16:6

yua kơ lu sư pơlôch tuh pham lu kon Ih, păng lu bơngai pơtruh nơ̆r Ih, na dang ei Ih pơkăl ăn kơ lu sư huch pham 'noh trŏ tơpă.”

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

II Ho 24:16

Đe 'bŭ sư hơdai hăm lu pơtao lăm Pơlei Đawit, yua kơ sư jang 'lơ̆ng tơgŭm lu bơngai Isơrael, bơ̆jang kơ Kră Yang 'Bok Kei-Dei păng đei pơdơ̆ng hơmet ming hnam akŭm Tơm Sư.

II Ho 22:6

Na sư wih brŏk tơ pơlei Jesreel, wă ming rơka sư đơ̆ng tơblah 'bơ̆t pơlei Rama, tơblah hăm Hasael, pơtao Siri, Ahasia kon drŏ-nglo Jêhôram pơtao Juđa jur tơ Jêsreel wă năm lăng Jôram kon drŏ-nglo Ahap.

II Ho 21:16

Kră Yang kư̆m pơm ăn jơhngơ̆m lu bơngai Philistin păng kon pơlei Arâp mă oei jê̆ kon pơlei Êthiôpi, iung blah Jêhôram.

II Ho 24:26

Lu đe mă iung blah sư noh: Sabat kon drŏ-nglo yă Simêa bơngai Ammôn, Jêhôsabat, kon drŏ-nglo yă Simrit bơngai Môap.

I Pot 15:27

Baasa kon drŏ-nglo Ahija adrĕch hnam Isakar chă đon wă pơm kơnê̆ kơ sư, lăm kơplah Nađap păng lu bơngai Isơrael wang blah iŏk pơlei Gibêthôn, pơlei lu bơngai Philistin. Na Baasa pơlôch sư.

II Ho 22:9

Sư kư̆m chă Ahasia oei kơdâu ôn lăm pơlei Samari; đe rôp, chông ba sư tơ Jêhu, đơ̆ng noh pơlôch sư. Đe 'bŭ sư; “Yua kơ đe khan, sư kon drŏ-nglo Jêhôsaphat, bơngai mă chă Kră Yang hăm đĭ jơhngơ̆m. “Lăm adrĕch Ahasia ưh pă đei bu dơ̆ng pơgơ̆r pơtrơp pơm pơtao lăm char sư.

II Ho 25:3

Wă sư pơgơ̆r dêh char sư kơjăp, sư pơlôch đĭ lu bơngai yŏng mă đêl pơlôch 'bă sư.

II Ho 25:27

Đơ̆ng chăl Amasia achăng lê̆ Kră Yang, đơ̆ng noh na đei đe pơđâu wă pơm kơnê̆ kơ sư tơ pơlei Jêrusalem, sư kơdâu ôn tơ pơlei Lakis; đe druh sư păng pơlôch hloi sư tơ noh.