II Ho 23:13 - Sơ̆p Hlabơar Nơ̆r 'Bok Kei-Dei

¹³ Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

II Ho 23:13 Referans Kwoze

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Tơdrông Pơđơk 29:2

Mưh bơngai tơpăt rai lơ, kon pơlei đei chơt hiôk; Mă-lei dah đei bơngai kơnê̆ pơgơ̆r, kon pơlei đei ôr krao.

Tơdrông Pơđơk 11:10

Kơplah lu bơngai tơpăt mơdrŏng, đĭ lu pơlei tih đei chơt hiôk. Mă-lei đei bơngai kơnê̆ hiong răm, đe gô jreo chơt hiôk.

Horiso 14:5

Lu sư gô đei tơdrong hli krưp tơpă, Yua kơ Kră Yang 'Bok Kei-Dei oei hơdai hăm lu bơngai tơpăt.

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

I Ho 15:27

Đawit păng lu bơngai Lêwi tung hom pơgơ̆p, lu bơngai hơri, Kênania, yŏng pơgơ̆r lu bơngai hơri, tă kơ hrŭk ao tai che 'bui ngăl; Đawit kư̆m hrŭk tơ akâu sư minh blah ao êphot păng che 'bui.

I Ho 15:24

Sêbania, Jôsaphat, Nêthanêl, Amasai, Sachari, Bênaia, păng Êliêser, lu 'bok soi, hlôm keng 'bơ̆t anăp Hom Pơgơ̆p Kră Yang 'Bok Kei-Dei. Ôbêt Eđôm păng Jêhiia gak 'măng 'bơ̆t anăp hom pơgơ̆p.

I Ho 12:40

Na lu 'nhŏng oh đơ̆ng ataih truh, đơ̆ng teh đak Isakar, Sabulôn păng Neptali lu sư chơ tơmam sa păng aseh iĕ, lăk-đa, aseh lai păng rơmo, lu sư ba lơ tơpŭng 'bĕng mi, 'bĕng pơlei hơra, hơmu kro, sik, đak rơmă, hăm dui ba rơmo păng triu lơlap lơlang, yua kơ đei tơdrong chơt hiôk lăm dêh char Isơrael.

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

II Pot 9:23

Jôram gơwĕch gre aseh sư kơdâu weh ôn păng roi kơ Ahasia băt: “Đe chă đon wă blah bơ̆n.”

II Pot 9:13

Lu sư wang hăt hot iŏk hơbĕn ao kơdih lơ̆k tơ ala jơ̆ng Jêhu lơ̆k rok lu kơnao kung. Đơ̆ng noh lu sư hlôm tơgiĕp păng ôr re khan: “Jêhu pơm pơtao!”

Lu 7:8

Giđêôn ăn kơ lu bơngai Isơrael noh brŏk tơ anih bơsŭn lu sư kơdih. Mă-lei Giđêôn gơ̆t iŏk pêng-hrĕng 'nu bơngai đĕch; na lu sư iŏk tơmam sa păng tơgiĕp đơ̆ng ti lu kon pơlei mă brŏk. Na kơđông bơngai Miđian oei pơdơh tơ lăm thŭng gah ala.

II Pot 11:14

Yă ei lăng 'bôh pơtao dơ̆ng 'bơ̆t anih kơjung kiơ̆ thoi tơdrong juăt kơ̆m giĕng hmă, đei lu yŏng linh păng đei lu bơngai hlôm tơgiĕp dơ̆ng jê̆ sư păng đĭ-đăng kon pơlei lăm dêh char sư hiôk chơt hlôm tơgiĕp ngăl. Yă Athalia hek hloi ao sư kơdih păng hơdrăi rơ̆n khan: “Blơ̆ blĕch! Blơ̆ blĕch!”

II Ho 23:12

Wă Athalia kơtơ̆ng jơwa kon pơlei kơdâu, ôr kơkuh ư-ang kơ pơtao, sư năm tơ kon pơlei tơ hnam Kră Yang.

II Ho 23:14

'Bok soi Jêhôiada athei lu yŏng pơgơ̆r minh-hrĕng linh păng khan kơ lu sư: “Chông tơlĕch yă âu tơ 'nguaih bĕ, bơngai bu kiơ̆ sư gô pơlôch hăm đao gưm.” 'Bok soi đei khan boih: “'Nĕ kơ pơlôch sư tơ lăm hnam Kră Yang ôh.”

Êsêkiên 46:2

Yŏng pơgơ̆r gô mơ̆t trong kơdeng, gah 'măng jang noh, sư gô dơ̆ng 'bơ̆t jrăng 'măng jang; kơplah noh lu 'bok soi pơyơ̆r tơmam soi 'buh, tơmam soi apinh hiôk-hian, na sư gô kơkuh drap 'bơ̆t anăp 'măng jang, đơ̆ng noh gô lĕch. 'Măng jang noh ưh pă tang dĭng truh tơ kơsơ̆ măng.