II Ho 21:13 - Sơ̆p Hlabơar Nơ̆r 'Bok Kei-Dei

¹³ Na đĭ kiơ̆ trong lu pơtao bơngai Isơrael, pơhlŭ pơtơm kon pơlei Juđa păng kon pơlei lăm Jêrusalem ngôi kư̆ kă kơkuh kơ rup Yang thoi adrĕch Ahap đei pơm boih păng kư̆m pơlôch boih lu oh ih đơ̆ng hnam 'bă ih, lu sư arih sa 'lơ̆ng hloh kơ ih,

II Ho 21:13 Referans Kwoze

II Ho 21:4

Kơplah Jêhôram tŏk pơm pơtao pơtrơp đơ̆ng 'bă sư, wă sư pran kơjăp boih sư iŏk đao gưm pơlôch đĭ lu oh sư hăm lu yŏng pơgơ̆r Isơrael.

II Ho 21:11

Sư kư̆m pơm ming lu anih kơjung tơ kơpal groi char Juđa, pơhlŭ pơtơm kon pơlei mă oei lăm pơlei tih Jêrusalem pơm kơnê̆ oei sa kư̆ kă pơm kơ Juđa wơ̆l jrok.

II Ho 21:6

Sư yak kiơ̆ trong lu pơtao Isơrael, kiơ̆ thoi Ahap đei pơm boih, yua kơ sư iŏk oei kơ kon adruh Ahap pơm akăn; sư pơm tơdrong kơnê̆ dêh 'bơ̆t anăp Kră Yang.

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.

Habakuk 2:12

Răm-'băm tơpă kơ lu đe bu mă iŏk pham pơm pơlei păng iŏk tơdrong kơnê̆ pơjing pơlei tih!

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

I Pot 16:25

Ômri pơm kơnê̆ 'bơ̆t anăp Kră Yang. Sư pơm tơdrong kơnê̆ hloh kơ đĭ-đăng lu bơngai adrol kơ sư.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Le 34:15

'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

II Ho 21:14

Lăng âu Kră Yang gô ăn tơdrong truh pơmat lu kon pơlei ih, lu kon sâu ih, truh tơ lu akăn ih, kư̆m pơrăm truh lu mŭk tơmam ih.

II Ho 24:18

Lu sư achăng lê̆ Hnam Kră Yang 'Bok Kei-Dei 'bok lu sư, na kơkuh kơ yang Asêra păng kơkuh kơ lu rup man; đơ̆ng tơdrong yoch 'nâu, na đei Kră Yang 'Bok Kei-Dei hil mĭl kơ lu bơngai Juđa păng kon pơlei Jêrusalem.