II Ho 20:21 - Sơ̆p Hlabơar Nơ̆r 'Bok Kei-Dei

²¹ Đang kơ sư đei pơma pơđâu hăm kon pơlei pơla boih, na sư rơih iŏk đei khŭl hơri wă ư-ang kơ Kră Yang rang rŏ hơri bơnê ư-ang Kră Yang 'lơ̆ng rơgoh rang rŏ, lu sư yak adrol kơ khŭl linh, ôr khan: “Bơnê bĕ kơ Kră Yang. Tơdrong Sư 'mêm mơnat oei oei ling-lang.”

II Ho 20:21 Referans Kwoze

Horiso 107:1

Bơnê bĕ kơ Kră Yang, yua kơ Sư pơm 'lơ̆ng; Tơdrong 'mêm Sư oei oei ling-lang.

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

I Ho 16:34

Bơnê bĕ kơ Kră Yang, yua kơ Sư pơm 'lơ̆ng. Tơdrong Sư 'mêm mơnat oei ling-lang khŏm khŏm!

I Ho 16:29

Pôk pơư bĕ kơ Kră Yang tơdrong ư-ang lăp kơ anăn Sư. Chĕp ba bĕ tơmam soi pơyơ̆r 'bơ̆t anăp Sư! Kơkuh pơyom bĕ kơ Kră Yang lăm tơdrong 'lơ̆ng rơgoh Sư.

Horiso 29:2

Kơkuh bĕ kơ Kră Yang mơsêh mơyang Anăn Sư trŏ kơ pơư pơang, iŏk bĕ tơdrong 'lơ̆ng rơgoha na kơkuh kơ Kră Yang.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

II Ho 7:3

Lăp đĭ-đăng kon pơlei Isơrael 'bôh ŭnh păng mơsêh mơyang rang mơnhal Kră Yang jur tơ hnam; na lu Sư drap bon tơ teh kơkuh kơ Kră Yang khan: “Tơpă Sư 'lơ̆ng, tơdrong Sư 'mêm mơnat oei oei ling-lang!

Horiso 96:9

Athei hrŭk hơbĕn ao rơgoh na kơkuh kơ Kră Yang; Ơ đĭ-đăng teh đak, hli tơtey bĕ 'bơ̆t anăp Sư.

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

I Ho 16:41

Hơdai hăm lu sư đei Hêman hăm Jêđuthun păng lu bơngai nai mă đei rơih hăm 'măn lu sư jang kơkuh bơnê kơ Kră Yang “kơ tơdrong sư 'mêm mơnat oei oei ling-lang khŏm khŏm.”

Tơdrông Pơđơk 11:14

Ưh kơ đei bơtho tơ'bôh lu kon pơlei gô huŏng, Mă-lei tơdah đei bơngai pơđâu chă đon kon pơlei kĕ jei.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

II Ho 30:21

Lu bơngai Isơrael oei tơ lăm pơlei Jêrusalem chơt hiôk pơm giĕng sa 'bĕng ưh kơ đei 'Buih Pông lăm tơpơh năr. Lu bơngai Lêwi păng lu 'bok soi rim năr reh brŏ hat hơri bơnê ư-ang kơ Kră Yang.

Horiso 18:4

Bră tơdrong lôch pơ̆n tăp dăr kơ inh boih, Đak tihb lơ̆p pơhoch lê̆ inh.