II Ho 2:5 - Sơ̆p Hlabơar Nơ̆r 'Bok Kei-Dei

⁵ Hnam mă inh wă pơm tih dêh tơpă. Yua kơ Kră Yang 'Bok Kei-Dei lu nhôn tih dêh hloh kơ lu yang nai.

II Ho 2:5 Referans Kwoze

I Ho 16:25

Yua kơ Kră Yang tih krưp tơpă, trŏ kơkuh bơnê. Trŏ kơ hli pơyom hloh kơ đĭ-đăng lu yang.

Horiso 135:5

Inh băt Kră Yang tih tơpă. Kră Yang lu bơ̆n tih hloh kơ đĭ-đăng lu yang.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

I Tim 6:15

Trŏ năr 'Bok Kei-Dei ăn Kon Sư Yêsu Krist jur tơ ala teh âu ning-mônh. 'Bok Kei-Dei boih hiôk-hian tơpă, pôm Sư boih pơgơ̆r tôm tơdrong. Sư pơm 'Bok Pơtao Sư tih hloh kơ đĭ-đăng lu pơtao nai, Sư pơm Yŏng Sư tih hloh kơ đĭ-đăng lu yŏng nai.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

II Ho 2:9

Wă kơ lu sư kăl 'long mă lơ; yua kơ Hnam akŭm inh wă pơm gô tih păng rŏ tơpă.

I Ho 29:1

Đawit khan kơ đĭ-đăng tơpôl akŭm: “Sôlômôn, kon drŏ-nglo inh mă Kră Yang 'Bok Kei-Dei đei rơih iŏk, oei hơ'lơ̆p, sư tam mă biơh băt tơdrong jang âu tih dêh, yua kơ pơm hnam ưh kơ trŏ pơm kơ bơngai ôh, mă-lei hnam 'noh pơm ăn kơ Kră Yang 'Bok Kei-Dei.

I Pot 9:8

Hnam akŭm 'nâu, jing rơ̆m rĕk, rim 'nu bơngai năm rok trong Hnam akŭm 'noh lăng hlĭch, păng apinh tơduă khan; Yua kơ kiơ Kră Yang pơm kơ dêh char 'nâu păng Hnam akŭm 'nâu thoi âu.”

Êsêkiên 7:20

Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

II Ho 29:11

Ơ lu đe kon inh 'nĕ pă pơhiơ̆, yua kơ Kră Yang đei rơih iŏk boih lu iĕm jing đĭch đam Sư, wă kơ dơ̆ng 'bơ̆t anăp Sư, bơ̆jang kơ Sư soh tơmam 'bâu phu kơ Sư.”

Horiso 148:4

Ơ lu plĕnh kơpal hloh, ơ lu đak tơ kơpal plĕnh; hơri ư-ang bĕ kơ Sư!

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?