II Ho 2:3 - Sơ̆p Hlabơar Nơ̆r 'Bok Kei-Dei

³ Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

II Ho 2:3 Referans Kwoze

I Ho 14:1

Hiram, pơtao Tirơ, wơh bơngai năm tơ pơtao Đawit, hăm gơih ăn kơ sư 'long hơngo, bơngai man, bơngai jang 'long, wă pơm hnam pơtao ăn kơ sư.

II Sam 5:11

Hiram pơtao pơlei Tirơ, wơh bơngai năm tơ Đawit, chĕp ba 'long hơngo, chông ba thơ̆ jang 'long, thơ̆ teh tơmo wă man hnam pơtao kơ Đawit.

Le 25:30

Tơ kơpal gơ'bang ih gô 'măn 'bĕng tơpŭng athei đei ling-lang 'bơ̆t anăp Inh.

Le 29:38

'Nâu dôm tơmam ih athei pơyơ̆r tơ chơnang soi; 'bar tŏ kon triu 'nao minh sơnăm, pơm rim năr ling-lang thoi noh.

Le 29:39

Rim pơgê ih athei pơyơ̆r minh pôm, minh pôm ih athei pơyơ̆r til kơsơ̆ kơmăng.

Le 29:41

Gah kon triu mă 'bar ih athei pơyơ̆r til kơsơ̆ măng hăm tơmam soi tơpŭng păng tơmam soi huch thoi lĕ til pơgê 'noh tơmam soi 'buh 'bâu phu pơyơ̆r kơ Kră Yang.

Le 30:7

Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh.

Lêwi 9:17

Đơ̆ng noh sư pơyơ̆r tơmam soi hăm phe 'ba, sư chup minh kơđôp anhăk ba soh tơ chơnang soi 'nguaih kơ tơmam soi 'buh til pơgê.

Lêwi 23:2

Athei roi bĕ kơ kon pơlei Isơrael: 'Nâu năr pơm giĕng tih đơ̆ng Kră Yang 'Bok Kei-Dei lu iĕm đei pơkă jing năr akŭm 'lơ̆ng rơgoh.

Jo 28:9

Năr Sa'bat ih athei pơyơ̆r 'bar tŏ kon triu tơno 'nao minh sơnăm, ưh kơ jĭ kiơ păng 'bar lăm mơjĭt êpha tơpŭng jrâu bơlŭ đak rơmă pơm tơmam soi pơyơ̆r ưh kơ đei pham hơdai hăm tơmam huch hai.

Jo 28:11

Năr blŭng-a lăm rim khei, lu iĕm athei pơyơ̆r ăn kơ Kră Yang 'bar tŏ rơmo dăm, minh pôm triu tơno păng tơpơh triu kon tơno 'nao minh sơnăm, ưh kơ đei jĭ kiơ, pơm tơmam soi 'buh.

II Ho 4:19

Sôlômôn pơm đĭ-đăng lu tơmam yua lăm hnam Kră Yang 'Bok Kei-Dei; chơnang soi maih, lu gơ'bang yua wă dan 'bĕng rơgoh;

II Ho 8:13

Sư pơyơ̆r rim năr kiơ̆ kơ Môis pơkă boih pơyơ̆r lăm năr giĕng Sa'bat, năr khei tơ'bang păng pêng kơ̆m giĕng lăm sơnăm noh lu năr giĕng sa 'bĕng ưh kơ đei 'Buih pông, kơ̆m giĕng phĕ kĕch, năr giĕng Bơsŭn.

II Ho 13:11

Rim pơgê hrôih păng kơsơ̆ lu sư soh pơyơ̆r tơmam soi 'buh păng pơgang 'bâu phu ăn kơ Kră Yang; lu sư kư̆m dan 'bĕng 'lơ̆ng rơgoh kơpal gơ'bang rơgoh păng kư̆m tơ̆k ŭnh kơđeng tơ rim jơ̆ng kơđeng maih wă kơ sư khơ̆ng kiơ̆ kơmăng. Lu nhôn pơm kiơ̆ nơ̆r Kră Yang 'Bok Kei-Dei lu bơ̆n bơtho khan, gah lu iĕm achăng lê̆ Sư boih.

II Ho 24:14

Đang kơ lu sư pơm keh boih lu sư năm ba lu jên mă rơkah noh kơ pơtao păng Jêhôiada; lu sư yua lu jên noh pơm tơmam wă yua lăm Hnam Kră Yang, thoi wă pơyơ̆r tơmam soi 'buh, lu pơnhan chhĕr păng lu tơmam đe pơm păng hu maih. Đĭ lăm chăl Jêhôiada đe năm pơyơ̆r tơmam soi lăm Hnam Kră Yang ling-lang.

Esơra 6:3

Sơnăm blŭng-a chăl Sirus pơm pơtao, pơtao Sirus đei chih tơjur ăn hla bơar gah tơdrong pơm hnam akŭm Kră Yang 'Bok Kei-Dei tơ Pơlei Jêrusalem thoi âu: Pơm ming bĕ hnam akŭm Kră Yang 'Bok Kei-Dei, wă pơm anih pơyơ̆r dôm lu tơmam soi; lu hơnă sư athei pơm mă kơjăp, kơjung sư pêng-jĭt hlok tor sư pêng-jĭt hlok;

Ne 10:34

Lu nhôn, lu bơngai 'bok soi, bơngai Lêwi păng lu kon pơlei nai hlang lăng gah tơdrong jang pơyơ̆r 'long ŭnh, rim sơnăm trŏ thoi năr pơkă, na kiơ̆ thoi 'bok lu nhôn chĕp ba 'long ŭnh noh tơ hnam akŭm 'Bok Kei-Dei lu nhôn, wă tơkuh tơ kơpal chơnang soi Kră Yang 'Bok Kei-Dei lu nhôn, thoi đei chih lăm sơ̆p hla bơar khôi juăt noh.