II Ho 18:9 - Sơ̆p Hlabơar Nơ̆r 'Bok Kei-Dei

⁹ Kơplah noh pơtao Isơrael păng Jêhôsaphat pơtao Juđa, bre sư hrŭk hơbĕn ao pơtao sư, hơ-oei 'bơ̆t anih tang-dŏ pơtao sư, tơ anih đe pơjuă 'bơ̆t 'măng dur pơlei Samari; lu 'bok khan lê̆ adrol oei pơma khan lê̆ adrol đĭ 'bơ̆t anăp bre pơtao.

II Ho 18:9 Referans Kwoze

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Mathiơ 11:8

Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng, lei sư oei tơ hnam 'bok pơtao.

Mathiơ 6:29

Inh khan kơ iĕm tơpă, pơtao Sôlômôn sơ̆ sư mơdrŏng tih tơpă, mă-lei hơbĕn ao sư ưh kơ mah 'lơ̆ng dang pơkao 'nhĕt bri brah ôh.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Êsêkiên 26:16

Đĭ-đăng lu yŏng lăm dêh char jê̆ đak dơsĭ, gô jur đơ̆ng tang-dŏ lu sư. Plôh ao tai păng hơleh hŭt lu ao reng. Lu sư pŭ iŏk tơdrong hli tơrơ păng oei tơ ala teh tơtơ̆. Lu sư gô hli yua kơ tơdrong truh tơ ih.

Êsai 14:9

Tơ dêh atâu sŭng tơdrŏ wă tơ'bơ̆p ih kơplah ih truh tơ noh, lu bơhngol bơngai lôch băl noh jơ̆ lu yŏng pơgơ̆r jơ̆p-jang kơ teh đak lu sư hơđơ̆r wă tơ'bơ̆p ih, lu pơtao rim kơ teh đak iung đơ̆ng tang-dŏ pơtao sư.

II Ho 18:29

Pơtao Isơrael khan kơ Jêhôsaphat: “Inh gô hrŭk ao pha pơm thoi bơngai hmă na năm tŏk blah; gah ih athei hrŭk ao pơtao ih.” Pơtao Isơrael hrŭk hơbĕn ao hmă, dơ̆ng noh na bre sư năm tơblah.

Ru 4:1

'Bôô năm tŏk tơ 'măng jang pơlei păng hơ-oei tơ noh. Kơplah bơngai mă gơh huai iŏk Rut năm rok 'noh, bơngai mă 'Bôô roi na 'Bôô khan: Ơ 'nhŏng năm tơ âu hơ-oei ngôi dâu bĕ na sư hơ-oei hloi.

II Ho 18:8

Pơtao Isơrael krao minh 'nu yŏng linh păng khan: “Năm krao Mikaia kon drŏ-nglo Imla năm tơ âu mă tĕnh.”

II Ho 18:10

Sêđekia kon drŏ-nglo Kênaana sư đei pơm hơke hăm mam păng khan: “'Nâu Kră Yang khan: ‘Hăm hơke 'nâu lu iĕm gô tơ̆m bơngai Siri dĭng truh tơ lu sư lôch răm đĭ.’ ”