II Ho 18:10 - Sơ̆p Hlabơar Nơ̆r 'Bok Kei-Dei

¹⁰ Sêđekia kon drŏ-nglo Kênaana sư đei pơm hơke hăm mam păng khan: “'Nâu Kră Yang khan: ‘Hăm hơke 'nâu lu iĕm gô tơ̆m bơngai Siri dĭng truh tơ lu sư lôch răm đĭ.’ ”

II Ho 18:10 Referans Kwoze

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

Êsêkiên 22:28

Lu 'bok khan lê̆ adrol lu sư ôn tơdrong pơm kơ đe pik kơ lu sư chŭr; 'bôh tơdrong 'bôh hơlĕnh păng hlang lăng hơlĕnh, lu sư khan: Kră Yang khan thoi noh. Mă-lei Kră Yang ưh kơ khan ôh.

Êsêkiên 13:7

Hăm trŏ kơ iĕm tơ'bôh boih tơdrong hơlĕnh păng pơm pơjâu, tơwir khan ưh kơ trŏ, na iĕm khan: “Kră Yang khan,” mă tơpă Inh ưh kơ đei pơma khan ôh.

Je 29:21

'Nâu Kră Yang Tih Hloh, 'Bok Kei-Dei bơngai Isơrael khan thoi âu gah Ahap, kon drŏ-nglo Kôlaia păng Sêđekia, kon drŏ-nglo Maaseia, bơngai mă yua anăn Inh khan lê̆ adrol hơlĕnh: “Inh gô jao lu sư kơ Nebukatnessar, pơtao Babilôn, sư gô pơlôch bre noh 'bơ̆t anăp lu iĕm.

Je 27:2

Kră Yang khan kơ inh thoi âu: “Iŏk tơlei akar păng 'long pơm bĕ 'long ăt, na 'băk tơ ako ih.

Je 23:31

Kră Yang khan: “'Nâu Inh gô blah lu bơngai khan lê̆ adrol, mă yua hơpiĕt lu sư kơdih khan: ‘'Nâu nơ̆r Kră Yang khan!’

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

I Pot 22:11

Sêđekia, kon drŏ-nglo Kênaana hơjơ̆m pơm hơke păng bơsei khan: “'Nâu Kră Yang khan: ‘Hăm hơke 'nâu ih gô tơ̆m pơlôch pơrăm pơđĭ lu bơngai Aram!’ ”

II Ho 18:9

Kơplah noh pơtao Isơrael păng Jêhôsaphat pơtao Juđa, bre sư hrŭk hơbĕn ao pơtao sư, hơ-oei 'bơ̆t anih tang-dŏ pơtao sư, tơ anih đe pơjuă 'bơ̆t 'măng dur pơlei Samari; lu 'bok khan lê̆ adrol oei pơma khan lê̆ adrol đĭ 'bơ̆t anăp bre pơtao.

II Ho 18:11

Đĭ-đăng lu 'bok khan lê̆ adrol kư̆m khan lê̆ adrol thoi noh mơ̆n: “Tŏk năm blah bĕ pơlei Ramôt Gileat gô jei ih. Kră Yang gô jao pơlei noh lăm ti ih, pơtao.”