II Ho 16:12 - Sơ̆p Hlabơar Nơ̆r 'Bok Kei-Dei

¹² Lăm sơnăm mă pêng-jĭt tơsĭn chăl Asa pơgơ̆r, Asa sư đei jĭ jơ̆ng sư jĭ krưp dêh; kơplah sư jĭ jơ̆ng 'nâu sư ưh kơ chơchă Kră Yang, mă-lei sư chă 'bok pơgang wă ming mang.

II Ho 16:12 Referans Kwoze

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

II Ho 28:22

Lăm kơplah đei tơdrong truh pơmat-tat, Ahas rai pơm yoch hăm Kră Yang

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

I Ho 10:14

Sôl ưh kơ krao apinh Kră Yang; na Kră Yang pơlôch sư, teh đak sư ăn kơ Đawit, kon drŏ-nglo Jese.

Markôs 5:26

Đei lơ 'bok pơgang ming ră, sư pơhuach đĭ jên mŭk tơmam sư ră, mă-lei jĭ sư 'nhŏ kơ klaih 'biơ̆, rai đunh rai dêh.

Markôs 2:17

Yêsu kơtơ̆ng hloi lu sư pơma thoi noh, na Sư khan kơ lu 'bok thây ei: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang. Inh năm tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Mathiơ 9:12

Yêsu kơtơ̆ng hloi lu sư pơma thoi noh na Yêsu khan kơ lu sư thoi âu: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.

Kôlôsê 4:14

Luka sư pơm thây pơgang, sư kư̆m jang tơdrong Yêsu Krist mơ̆n, bơ̆n 'mêm kơ sư tơpă, sư kư̆m jet gia iĕm mơ̆n. Đêmas kư̆m hơdai jet gia iĕm mơ̆n.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Bl 50:2

Đơ̆ng noh, Jôsep athei lu thây pơm pơgang tơgŭm jang kơ sư; yua pơgang 'bâu phu pik kơ atâu 'bă sư; lu 'bok pơgang tơhum akâu Isơrael.

II Ho 16:13

Asa lôch năm kiơ̆ 'bok sư, sư lôch sơnăm mă puăn-jĭt mônh lăm chăl sư pơgơ̆r.