II Ho 15:16 - Sơ̆p Hlabơar Nơ̆r 'Bok Kei-Dei

¹⁶ Pơtao Asa ưh pă ăn kơ yă sư Maaka jang dơ̆ng yua kơ sư pơm gơ̆ng kơkuh kơ rup yang Asêra. Pơtao Asa teh pơrăm lê̆ gơ̆ng rup yang noh teh pơchah hĕch hoch đĭ păng soh lê̆ tơ thŭng Kidrôn.

II Ho 15:16 Referans Kwoze

II Pot 23:15

Sư kư̆m teh pơchah lê̆ chơnang soi tơ Pơlei Bethel păng hnam kơkuh kơ yang mă Jêrôbôam, kon drŏ-nglo Nêbat hlôi pơm, bơngai noh pơm kơ lu bơngai Isơrael pơm yoch; sư teh pơchah lê̆ chơnang soi, soh rŭk lê̆ Hnam kơkuh kơ yang tơ anih kơjung, teh pơhĕch lê̆ dĭng kơ'mey. Sư kư̆m soh lê̆ rup yang yă Asêra.

II Pot 23:6

Sư iŏk lê̆ rup yang Asêra đơ̆ng lăm Hnam akŭm kơkuh kơ Kră Yang, chĕp ba tơ jih Pơlei Jêrusalem, truh tơ thŭng Kidrôn, soh lê̆ tơ ei dĭng rơnok đĭ, đơ̆ng noh prôi rơnok ei kơpal bơsat kon pơlei.

I Pot 15:10

Sư pơgơ̆r puăn-jĭt mônh sơnăm lăm pơlei Jêrusalem. Yă tơm gah 'bă sư anăn Maaka kon drŏ-kăn Abisalom.

I Pot 15:2

Sư pơgơ̆r pêng sơnăm lăm Pơlei Jêrusalem. Mĕ sư anăn Maaka kon drŏ-kăn Abisalom.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Markôs 3:21

Hnam dơnŏ Yêsu kơtơ̆ng ang thoi noh, na lu sư năm wă iŏk Yêsu wă anhăk wih tơ hnam, kơlih kơ đe khan Yêsu Sư wă wơnh.

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.

II Ho 34:7

Sư teh pơrăm lê̆ lu chơnang soi lu gơ̆ng rup yang Asêria, teh pơchah lê̆ lu gơ̆ng đe pơm yang jơ̆p kơ tơring char Isơrael, na sư wih brŏk tơ pơlei Jêrusalem.

II Pot 23:12

Pơtao Jôsia kư̆m teng lê̆ lu chơnang soi mă lu pơtao đe Juđa pơm kơpal bơbŭng hnam kơjung, hnam pơtao Ahas; na gah lu chơnang soi mă Manase đei pơdơ̆ng 'bơ̆t 'bar tŏ cham hnam akŭm kơkuh kơ Kră Yang, sư tơlơ̆ păng teh pơchah lê̆, na chĕp ba săi lê̆ kơcheh sư lăm thŭng Kidrôn.

Both 33:9

Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.

Both 9:21

Đơ̆ng noh inh iŏk tơmam, rup kon rơmo mă lu iĕm pơm păng soh lê̆ lăm ŭnh, teh pơhĕch lê̆, dĭng thoi 'mui teh; đơ̆ng noh inh tuh hŭt lê̆ 'mui noh lăm glung đak ro đơ̆ng kông.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Le 32:20

Môis iŏk rup kon rơmo lu sư pơm soh hloi tơ lăm ŭnh, đơ̆ng noh sư peh pơhĕch jing gơnơ̆k păng iŏk gơnơ̆k noh tuh tơ lăm đak, klaih kơ noh ăn lu kon pơlei Isơrael nhă.

Yo 18:1

Yêsu krao khan đang boih, na Sư hăm lu bơngai pơhrăm păng Sư weh đơ̆ng ei na yak hlôi kơ thong đak Kidrôn. Tơ noh đei minh hlak pơgar na lu sư mơ̆t lăm ei.

II Ho 15:17

Mă lu anih tơ kơpal kơjung lu bơngai Isơrael sư ưh kơ đei pơrăm ôh; lei ră, jơhngơ̆m Asa oei arih 'lơ̆ng hăm Kră Yang lăm đĭ chăl arih sư.

II Ho 29:16

Lu 'bok soi mơ̆t lăm hnam Kră Yang wă hơmet rơgoh; dôm tơmam kơnê̆ 'mê̆-'mach 'bôh lăm hnam Kră Yang, lu sư iŏk tơlĕch lê̆ tơ đaih 'bơ̆t cham hnam Kră Yang; đơ̆ng noh lu bơngai Lêwi dônh iŏk, na năm tung klơ̆m hŭt lê̆ tơ thong Kidrôn.

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Ho 30:14

Lu sư iung iŏk hŭt lê̆ chơnang đe soi kơ yang nai lăm pơlei Jêrusalem păng chơnang soh 'long 'bâu phu, klơ̆m hŭt lê̆ đĭ tơ lăm thŭng Kidrôn.