II Ho 14:12 - Sơ̆p Hlabơar Nơ̆r 'Bok Kei-Dei

¹² Kră Yang blah pơrăm kon pơlei Êthiôpi 'bơ̆t anăp kon pơlei Juđa păng pơtao Asa; khŭl linh Êthiôpi kơdâu đĭ.

II Ho 14:12 Referans Kwoze

II Ho 13:15

Lu bơngai Juđa jreo năm tơ anăp tơblah. Kơplah lu kon pơlei Juđa jreo năm tơblah, Kră Yang 'Bok Kei-Dei blah pơrăm Jêrôbôam păng đĭ-đăng linh Isơrael 'bơ̆t anăp pơtao Abija păng bơngai Juđa.

I Kor 15:57

Mă-lei bơnê kơ 'Bok Kei-Dei Sư mơnat ăn jei bơ̆n yua kơ Kră Yang bơ̆n Yêsu Krist lôch tang bơ̆n.

I Kor 9:26

Thoi noh na inh adrin kơdâu tơng-lơ̆ ưh kơ đei weh-woh tơ̆p truh tơ anih đêl đe pơkă 'mơ̆i. Păng inh ưh kơ sĭ thoi lu bơngai mă chok ưh kơ 'bơm ôh.

Horiso 60:12

Đơ̆ng Kră Yang 'Bok Kei-Dei lu bơ̆n gơh kĕ jei; Yua kơ sư gô juă bơhlơ̆r lu ayăt kơ nhôn.

Jôsuê 10:10

Kră Yang pơm ăn kơ lu linh ayăt hli rŭng răng kơdâu tơklah tơklang 'bơ̆t anăp linh Isơrael, lu bơngai Isơrael tơblah ayăt jei jơnei tih jê̆ pơlei Gibeôn, lu linh Isơrael druh lu ayăt tŏk tơ trong suăn kơ pơlei Bêt Hôrôn, blah drŭt lu sư truh tơ pơlei Asêka păng pơlei Makkêđa.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Both 28:7

Kră Yang gô ăn kơ lu iĕm iung blah hăm bơngai ayăt jei iĕm, lu sư yak minh trong năm blah iĕm, mă-lei gô kơdâu ôn lĕch yak tơpơh trong kơdâu ôn 'bơ̆t anăp lu iĕm.

Le 14:25

Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.

II Ho 20:22

Kơplah lu sư oei hơri kơkuh bơnê, Kră Yang hơmet minh khŭl răp blah bơngai Ammôn, bơngai Môap păng lu bơngai oei 'bơ̆t Kông Sêir oei năm blah bơngai Juđa ră na păng lu sư thuơ đĭ.

II Ho 12:3

chĕp ba minh-rơbâu 'bar-hrĕng gre aseh păng tơdrâu-jĭt rơbâu 'nu linh hao aseh; kư̆m đei lu linh đơ̆ng char Libia, Sukki păng char Êthiôpi tŏk hơdai đơ̆ng Êyiptơ, lơ tơpă.

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Bl 10:19

Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

I Ho 5:21

Lu sư đei rôp iŏk khŭl sem dơrong lu kon pơlei Hagrit, pơđăm-jĭt rơbâu aseh lăk-đa, 'bar-hrĕng pơđăm-jĭt rơbâu triu, 'bar-rơbâu aseh iĕ păng hăm minh-hrĕng rơbâu 'nu bơngai.

II Ho 15:11

Lăm năr noh lu sư iŏk tơpơh-hrĕng tŏ rơmo tơno păng tơpơh-rơbâu tŏ triu hăm bơbe, lu kon sem dơrong mă đơ̆ng lu sư blah iŏk, pơyơ̆r pơm tơmam soi bơnê kơ Kră Yang.