II Ho 13:9 - Sơ̆p Hlabơar Nơ̆r 'Bok Kei-Dei

⁹ Hăm trŏ lu iĕm pơpuh boih lu 'bok soi Kră Yang, kon sâu Arôn păng lu bơngai Lêwi? Lu iĕm pôk pơjing lu 'bok soi kơdih iĕm kiơ̆ thoi lu dêh char nai pơm; kư̆ kơ bơngai bu rôp minh pôm rơmo dăm păng tơpơh tŏ bơbe tơno pơyơ̆r wă apinh pơm 'bok soi na gơh pơm 'bok soi hloi soi kơ yang kư̆ kă.

II Ho 13:9 Referans Kwoze

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Le 29:35

'Nâu kiơ̆ kơ tơdrong Inh pơkă, ih athei pơm thoi noh kơ Arôn hăm lu kon drŏ-nglo sư păng ih athei pơm dôm tơdrong noh kơ lu sư lăm tơpơh năr.

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Hôsia 8:6

Rup kon rơmo noh đơ̆ng minh 'nu bơngai Isơrael pơm; noh ưh kơ Kră Yang 'Bok Kei-Dei ôh. Sĭt, rup kon rơmo lu bơngai Samari đe gô teh pơchah đĭ.

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

I Ho 29:5

Maih wă yua kơ lu tơmam pơm hăm maih, hu wă yua kơ lu tơmam pơm hăm hu păng wă yua lơ tơdrong jang bơngai gơh hơgei wă pơm. Dang ei, bu wă 'maih pơyơ̆r kơdih ăn kơ Kră Yang?”

II Pot 19:18

Klơ̆m lê̆ yang lu sư lăm ŭnh yua kơ ưh kơ trŏ kơ yang ôh, noh jơ̆ tơdrong jang đêl ti kon bơngai pơm hăm 'long, păng pơm hăm tơmo; yua kơ thoi noh na pơrăm đĭ bơih lu sư.

I Pot 13:33

Đơ̆ng rŏng kơ tơdrong noh hlôi bơih, Jêrôbôam ưh kơ weh ôh đơ̆ng tơdrong yoch kơnê̆ sư pơm 'noh, sư rai chă pôk lơ bơngai đơ̆ng lăm pơlei pơla pơm 'bok soi tơ hnam kơkuh kơ rup yang tơ lu anih kơjung bơngai bu 'maih pơm 'bok soi, sư ăn kơ bơngai 'noh pơm 'bok soi tơ rim anih kơjung.

Both 32:17

Lu sư pơyơ̆r tơmam soi kơ lu yang kơnê̆, ưh kơ trŏ kơ Kră Yang 'Bok Kei-Dei ôh. Kơkuh kơ yang mă lu sư ưh kơ tam lah băt, Yang đơ̆ng ataih 'nao truh. Mă 'bok lu sư ưh kơ hli yom.

Lêwi 16:32

'Bok soi gô tuh rơmă păng pôk sư pơm 'bok soi tơplih kơ 'bă sư, wă soi sơmah huai đơ̆ng tơdrong yoch, gô hrŭk hơbĕn ao che wă khan hơbĕn ao 'lơ̆ng rơgoh, na soi sơmah huai iŏk tơdrong yoch.

Lêwi 8:2

Chông ba bĕ Arôn păng lu kon drŏ-nglo sư, chĕp ba ao tai, đak rơmă pơgang 'bâu phu, rơmo dăm mơlôh, pơm tơmam soi pơyơ̆r huai đơ̆ng yoch, 'bar tŏ bơbe tơno păng 'bar tŏ 'bĕng ưh kơ đei 'buih.

Le 32:29

Na Môis khan: Năr âu rim 'nu lu iĕm pơyơ̆r boih lu iĕm kơ tơdrong jang Kră Yang, ưh pă rong minh 'nu kon drŏ-nglo, dah 'nhŏng oh kơdih, thoi noh Kră Yang ăn kơ iĕm pŭn hiôk năr âu.

Le 29:1

'Nâu boih tơdrong ih gô pơm, wă kơ sư pơm 'bok soi jang kơ Inh. Ih athei rôp minh pôm rơmo dăm păng 'bar tŏ triu tơno ưh kơ đei rơka.

Le 29:29

Hơbĕn ao rơgoh 'lơ̆ng Arôn gô 'măn lê̆ kơ lu kon drŏ-nglo sư đơ̆ng rŏng dơ̆ng, wă kơ lu sư hrŭk ao noh, 'bơ̆t năr đe hling đak rơmă 'bâu phu păng pơchĕp pôk ăn tơdrong jang pơm 'bok soi.

II Ho 13:10

Gah lu nhôn, Kră Yang 'Bok Kei-Dei lu bơ̆n, lu nhôn ưh kơ đei achăng lê̆ Sư; lu 'bok soi bơ̆jang kơ Kră Yang tă kơ kon sâu Arôn păng lu bơngai Lêwi bơ̆jang tơdrong jang lu sư.

II Ho 29:31

Hesekia khan: “Dang ei lu iĕm đei hơmet akâu kơdih rơgoh ăn kơ Kră Yang boih; lei na năm tơ âu, chĕp ba tơmam soi pơyơ̆r bơnê mơ̆t tơ lăm Hnam Kră Yang. Kon pơlei khŭl akŭm chĕp ba tơmam soi 'buh păng tơmam soi pơyơ̆r bơnê; lu bơngai đei jơhngơ̆m hiôk na chĕp ba năm pơyơ̆r lu tơmam soi 'buh noh.