II Ho 13:2 - Sơ̆p Hlabơar Nơ̆r 'Bok Kei-Dei

² Sư pơgơ̆r pêng sơnăm lăm pơlei tih Jêrusalem. Mĕ sư anăn Maaka kon drŏ-kăn Uriel đơ̆ng pơlei Gibêah. Đei tơdrong tơblah Abija hăm Jêrôbôam.

II Ho 13:2 Referans Kwoze

II Ho 11:20

Đơ̆ng rŏng, sư kư̆m rôp oei dơ̆ng Maaka kon adruh Apsalôm, akăn sư tơpŭ ăn kơ sư lu kon drŏ-nglo noh Abija, Attai, Sisa păng Sêlômit.

I Pot 15:2

Sư pơgơ̆r pêng sơnăm lăm Pơlei Jêrusalem. Mĕ sư anăn Maaka kon drŏ-kăn Abisalom.

I Sam 10:26

Sôl kư̆m brŏk tơ hnam sư kơdih tơ Gibêah, đei lu linh pran kơtang mă Kră Yang 'Bok Kei-Dei ăn lu sư kư̆m brŏk kiơ̆ Sôl.

Lu 19:16

Đei tơ'bơ̆p hĭ minh 'nu kră sư 'nao wih đơ̆ng jang kơsơ̆; kră ei sư bơngai đơ̆ng tơring groi kông Êphraim, mă-lei sư oei tơ pơlei Gibêah. Pơlei lu bơngai Bênjamin.

Lu 19:14

Thoi noh na lu sư kư̆ kơ năm; lăp truh pơlei Gibêah, lăm char Bênjamin, năr mơ̆t hloi boih.

Jôsuê 18:28

Sêla, Halep, pơlei tih bơngai Jêbus, noh krao pơlei Jêrusalem, Gibêah, Kiriat, đĭ-đăng noh mơjĭt-puăn tŏ pơlei tih păng pơlei iĕ lu sư. Noh boih anih jang sa kơ lu kon sâu Bênjamin, kiơ̆ kơ adrĕch adrung lu sư.

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

II Ho 13:3

Abija năm tơblah chĕp ba linh, puăn-hrĕng rơbâu linh nuih pran kơtang; gah Jêrôbôam năm tơblah hăm sư chĕp ba tơhngam-hrĕng rơbâu linh, 'nâu lu linh nuih pran kơtang

I Pot 14:20

Jêrôbôam pơgơ̆r 'bar-jĭt 'bar sơnăm, đơ̆ng noh sư lôch năm oei hơdai hăm lu 'bok kơdră sư, kon drŏ-nglo sư anăn Nađap tŏk pơgơ̆r pơtrơp sư.

II Ho 12:15

Dôm tơdrong jang Rêhôbôam pơm đơ̆ng blŭng-a truh tơ tôch đei chih lăm sơ̆p hla bơar Sêmaia bơngai khan lê̆ adrol păng Iđô bơngai roi lê̆ adrol chih, gah adrĕch 'bok sư Rêhôbôam păng Jêrôbôam tơblah băl hơnơ̆ng đĭ chăl bre sư pơgơ̆r.