II Ho 13:12 - Sơ̆p Hlabơar Nơ̆r 'Bok Kei-Dei

¹² Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

II Ho 13:12 Referans Kwoze

Jang 5:39

Mă-lei dah tơdrong sư 'noh lĕch đơ̆ng 'Bok Kei-Dei, iĕm ưh kơ layơ gơh pơrăm lu sư. Iĕm pơm kơnê̆ kơ lu sư, noh dang iĕm wă blah 'Bok Kei-Dei.”

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Sa 10:5

mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

Êsêkiên 17:9

Ih khan bĕ kơ lu sư: ‘'Nâu nơ̆r Kră Yang Tih Hloh khan: Tơm 'long hơmu noh hăm gơh jing 'lơ̆ng ưh? Hăm trŏ sem klang gô buch rơh sư, choh tơmơ̆ng sư, wă kơ đĭ lu hla dơng jing kro? Ưh kơ kăl ti pran kư̆m ưh kơ kăl lơ bơngai wă buch rơh sư.

Je 50:24

Ơ Babilôn, Inh hơ'năk boih hơđong kơ ih. Ih 'leh boih hơđong, ơ Babilôn, mă-lei ih ưh kơ băt. Đe chă wă rôp ih boih; Yua kơ ih blah Kră Yang.

Je 2:37

Lu iĕm gô mơlâu kuăr ti tơ kơ̆l, lĕch đơ̆ng char noh, Yua kơ Kră Yang achăng boih lu bơngai mă iĕm gơnang, Lu sư ưh pă đei tơgŭm kiơ boih kơ lu iĕm.”

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Êsai 45:9

Răm-'băm dêh kơ lu bơngai pơjah pơjăng hăm Tơ'ngla pơjing sư! Minh pôm bô̆i hơdai hăm bô̆i nai 'bơ̆t teh! Teh lơ̆n hăm gơh pơma kơ bơngai man sư khan: Ih pơm kiơ noh? Dah mă tơmam pơma kơ bơngai pơm sư khan: Sư ưh kơ đei đon wă chĕp.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

II Ho 24:20

Yang Bơhngol 'lơ̆ng đơ̆ng Kră Yang 'Bok Kei-Dei pơdrŭt Sachari, kon drŏ-nglo Jêhôiada 'bok soi, sư iung dơ̆ng 'bơ̆t anăp lu kon pơlei na khan: “Kră Yang 'Bok Kei-Dei khan thoi âu: ‘Yua kơ kiơ lu iĕm ưh kơ kiơ̆ nơ̆r Kră Yang tơtă? Thoi noh lu iĕm ưh kơ đei pŭn hiôk ôh. Yua kơ lu iĕm achăng lê̆ Kră Yang boih păng Sư kư̆m achăng lê̆ lu iĕm.’ ”

Both 28:29

Kơplah 'năr dơ̆ng iĕm nơnăm chă hơbơ̆ nhen thoi bơngai măt tol yak lăm măng mu; iĕm bơ̆jang sa ưh kơ pŭn. Rim năr đe gô pơjuă pơđep păng tơgar iŏk, ưh kơ đei bơngai bu dŏng iĕm.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.

Jo 31:6

Môis wơh mơjĭt-'bar rơbâu 'nu noh năm tơblah, wă khan wơh minh-rơbâu 'nu đơ̆ng lăm rim adrĕch, hơdai hăm Phinêhas, kon drŏ-nglo Êlêasar, 'bok soi, sư chĕp ba tơmam tơblah păng keng wă hlôm krao đơ̆ng lăm anih rơgoh.

Jo 23:21

Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.

Jo 14:41

Mă-lei Môis khan: Liơ lu iĕm pơm pơhloh kơ nơ̆r Kră Yang tơtă? Tơdrong noh ưh kơ gơh ôh.

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.