II Ho 12:15 - Sơ̆p Hlabơar Nơ̆r 'Bok Kei-Dei

¹⁵ Dôm tơdrong jang Rêhôbôam pơm đơ̆ng blŭng-a truh tơ tôch đei chih lăm sơ̆p hla bơar Sêmaia bơngai khan lê̆ adrol păng Iđô bơngai roi lê̆ adrol chih, gah adrĕch 'bok sư Rêhôbôam păng Jêrôbôam tơblah băl hơnơ̆ng đĭ chăl bre sư pơgơ̆r.

II Ho 12:15 Referans Kwoze

II Ho 9:29

Đĭ-đăng tơdrong jang Sôlômôn pơm pơjing đơ̆ng blŭng truh tơ tôch đei chih tơ lăm sơ̆p hla bơar hơ'mon Nathan bơngai khan lê̆ adrol, lăm hla bơar Ahija bơngai khan lê̆ adrol, bơngai Silô, chih lăm sơ̆p hla bơar Iđô, 'bok mă đei khan lê̆ adrol gah tơdrong Jêrôbôam, kon drŏ-nglo Nêbat.

II Ho 12:5

Sêmaia 'bok khan lê̆ adrol năm tơ Rêhôbôam păng lu bơngai pơgơ̆r char Juđa oei akŭm lăm pơlei Jêrusalem wă kơdâu ôn hli kơ Sisăk păng khan: Kră Yang khan thoi âu: “Lu iĕm achăng lê̆ Inh, lei na Inh kư̆m achăng lê̆ lu iĕm lăm ti Sisăk,”

II Ho 13:22

Lu tơdrong jang nai mă Abija jang, lu tơdrong sư pơm păng nơ̆r sư pơma, đei chih răk lăm sơ̆p hla bơar hơ'mon Iđô bơngai khan lê̆ adrol.

I Pot 12:22

Mă-lei nơ̆r Kră Yang 'Bok kei-Dei khan kơ Semaia bơngai Kră Yang 'Bok Kei-Dei wơh:

II Ho 11:2

Mă-lei đei nơ̆r Kră Yang khan kơ Sêmaia, bơngai Kră Yang 'Bok Kei-Dei.

I Ho 29:29

Dôm tơdrong hơ'mon kơ pơtao Đawit đơ̆ng blŭng-a truh tơ tôch, đei chih răk tơ lăm Sơ̆p hla bơar Samuel, 'bok khan lê̆ adrol lăm Sơ̆p hla bơar Nathan, 'bok khan lê̆ adrol păng lăm Sơ̆p hla bơar Gat, 'bok khan lê̆ adrol.

II Ho 13:1

Lăm sơnăm mă mơjĭt-tơhngam chăl pơtao Jêrôbôam, Abija pơm pơtao char Juđa.

II Ho 13:2

Sư pơgơ̆r pêng sơnăm lăm pơlei tih Jêrusalem. Mĕ sư anăn Maaka kon drŏ-kăn Uriel đơ̆ng pơlei Gibêah. Đei tơdrong tơblah Abija hăm Jêrôbôam.

II Ho 16:11

Tơdrong jang Asa iŏk đơ̆ng blŭng-a truh tơ tôch đei chih răk lê̆ tơ lăm sơ̆p hla bơar lu pơtao đe Juđa păng bơngai Isơrael.

II Ho 20:34

Dôm tơdrong jang nai Jêhôsaphat pơm đơ̆ng blŭng-a truh tơ tôch đei chih răk lăm sơ̆p hla bơar hơ'mon Jêhu, kon drŏ-nglo Hanani, tơdrong hơ'mon noh đei chih răk boih lăm sơ̆p hla bơar lu pơtao Isơrael.

II Ho 28:26

Dôm tơdrong jang sư pơm păng dôm trong sư yak lăm chăl arih sư, iŏk đơ̆ng blŭng-a truh tơ tôch, đe đei chih lăm sơ̆p hla bơar lu pơtao Juđa păng Isơrael.

II Ho 35:27

Tơdrong jang sư đơ̆ng blŭng-a truh tơ tôch, đei chih răk boih tơ lăm sơ̆p hla bơar lu pơtao Isơrael păng pơtao Juđa.