Hôsia 8:6 - Sơ̆p Hlabơar Nơ̆r 'Bok Kei-Dei

⁶ Rup kon rơmo noh đơ̆ng minh 'nu bơngai Isơrael pơm; noh ưh kơ Kră Yang 'Bok Kei-Dei ôh. Sĭt, rup kon rơmo lu bơngai Samari đe gô teh pơchah đĭ.

Hôsia 8:6 Referans Kwoze

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Habakuk 2:18

Rup hling man mă thơ̆ đei hling pơm, hăm đei lơi kiơ kơ sư? Man rup pơm yang, noh thoi 'bok thây bơtho hơlĕnh, đei yua kiơ? Mă lu thơ̆ man rup yang ưh kơ gơh pơma na kư̆m lui gơnang gơnăi đơ̆ng tơpang bơ̆n pơm kơdih?

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

II Pot 23:19

Pơtao Jôsia kư̆m yuih lê̆ đĭ lu chơnang soi kơkuh kơ yang pơm tơ kơpal anih kơjung, tơ lăm lu pơlei tơring Samari, mă lu pơtao đe Isơrael hlôi pơm wă tơblĕk Kră Yang, sư teng pơchah lê̆ đĭ lu chơnang soi noh kư̆m thoi sư hlôi pơm bơih tơ Pơlei Bethel mơ̆n.

II Pot 23:15

Sư kư̆m teh pơchah lê̆ chơnang soi tơ Pơlei Bethel păng hnam kơkuh kơ yang mă Jêrôbôam, kon drŏ-nglo Nêbat hlôi pơm, bơngai noh pơm kơ lu bơngai Isơrael pơm yoch; sư teh pơchah lê̆ chơnang soi, soh rŭk lê̆ Hnam kơkuh kơ yang tơ anih kơjung, teh pơhĕch lê̆ dĭng kơ'mey. Sư kư̆m soh lê̆ rup yang yă Asêra.

Je 48:13

Bơngai Môap gô mơlâu kơ yang Kêmôs, kư̆m thoi adrĕch bơngai Isơrael mơlâu boih kơ yang Bethel mă lu sư gơnang.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

II Ho 13:8

Na dang ei lu iĕm tơchĕng khan kĕ mơ̆n hă tơblah hăm char mă Kră Yang đei jao ăn boih kơ lu kon Đawit? Mă khan lu iĕm đei linh lơ chĕp ba rup man rơmo hăm maih mă Jêrôbôam đei man pơm yang iĕm.

Mi 1:7

Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.