Hôsia 8:14 - Sơ̆p Hlabơar Nơ̆r 'Bok Kei-Dei

¹⁴ Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Hôsia 8:14 Referans Kwoze

Both 32:18

Ih sơngah kơ Tơmo Tih tơ'ngla pơjing ih, Hiơt boih kơ Kră Yang 'Bok Kei-Dei Tơ'ngla pơjing ih.

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Am 1:10

Inh gô ăn ŭnh truh tơ kơpal dur pơlei Tirơ, sư gô sa pơrăm dôm kơđông kơjăp sư.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Am 1:12

Inh gô ăn ŭnh truh tơ pơlei Têman, sư gô sa pơđĭ lu kơđông kơjăp Bôsra.

Am 1:4

Inh gô ăn ŭnh truh tơ lăm hnam Hasael, wă soh pơrăm kơđông kơjăp Ben Hadat.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Je 23:27

Lu sư tơchĕng chă đon roi tơdrong lu sư apo kơ lu buăl sư mơ̆ng na wă kơ kon pơlei Inh hiơt kơ anăn Inh thoi lu 'bok yă sư hiơt kơ anăn Inh kiơ̆ yang Baal.

Je 3:21

Đe kơtơ̆ng nơ̆r tơ kơpal kông groi: Noh nơ̆r lu kon pơlei Isơrael nhơ̆m hmoi păng ôr krao, yua kơ lu sư yak kiơ̆ trong glăi, hiong hiơt boih kơ Kră Yang 'Bok Kei-Dei lu sư.

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Êsai 42:13

Kră Yang năm tơ anăp thoi minh 'nu bơngai pran kơtang, Sư pơtrŭt jơhngơ̆m hưch hal nhen thoi linh tơblah, Sư ôr pơret re, Sư nuih tơblah hăm ayăt jei Sư.

Êsai 29:23

Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Horiso 106:21

Lu sư hiơt kơ Kră Yang 'Bok Kei-Dei Tơ'ngla dŏng pơklaih lu sư. Păng đei pơm lơ tơdrong tih tơ Êyiptơ,

II Ho 27:4

Sư kư̆m đei man pơjing lu pơlei lăm tơring groi kông char Juđa păng pơm pơjing lu kơđông linh lu hnam thôt tơ lăm 'long kơdrơ̆ng.

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

II Pot 18:13

Lăm sơnăm mă mơjĭt-puăn, chăl pơtao Hesekia pơgơ̆r, Senacherip, pơtao đe Asiri năm blah lu pơlei tih kơjăp, lăm dêh Juđa păng lu sư iŏk pơlei noh.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Êsai 9:9

“Gŏch đêl man hơlih đĭ bơih mă-lei lu bơ̆n gô man ming hăm tơmo đe blah, 'long hơra đe kăl lê̆ bơih, mă-lei lu bơ̆n gô tơplih ming hăm 'long hơngo.”

Êsai 9:10

Thoi noh na Kră Yang gô hơtŏk lu ayăt đơ̆ng Rêsin iung blah lu sư păng gô pơdrŭt lu ayăt kơ lu sư.

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.