Hôsia 8:11 - Sơ̆p Hlabơar Nơ̆r 'Bok Kei-Dei

¹¹ Yua kơ Êphraim pơm rai đei lơ chơnang soi huai đơ̆ng yoch; na đơ̆ng dôm chơnang soi noh tơhuŏng lu sư lăm tơdrong yoch.

Hôsia 8:11 Referans Kwoze

Hôsia 12:11

Gileat kơnê̆ tơpă, lu sư ưh kơ yua kiơ. Lu sư pơm yang hăm rơmo tơno tơ Gilgal. Chơnang soi lu sư gô jing pôi tơmo tơ lăm trong đêl choh lăm mir.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Je 16:13

Na Inh gô pơpuh klơ̆m hŭt lê̆ lu iĕm đơ̆ng char âu, mơ̆t tơ lăm minh pôm char mă lu iĕm păng 'bok yă lu iĕm ưh kơ tam biơh băt. Tơ noh lu iĕm gô jang kơ lu yang nai măng năr; na Inh ưh pă mơnat kơ lu iĕm boih.

Both 4:28

Tơ noh lu iĕm gô kơkuh kơ rup yang pơm păng 'long păng tơmo, jơ̆ tơdrong jang tơpang ti kon bơngai pơm, ưh kơ gơh 'bôh, ưh kơ kơtơ̆ng ưh kơ gơh sa, kư̆m ưh kơ băt 'bâu.

Je 17:1

Tơdrong yoch bơngai Juđa đe chih răk boih hăm 'long chih bơsei, chhơ̆ hăm pla tơmo jơmŏng, tơ gơ'bang lăm jơhngơ̆m lu sư, Păng chih tơ kơpal hơke tơ mum chơnang soi lu sư.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.