Hôsia 6:1 - Sơ̆p Hlabơar Nơ̆r 'Bok Kei-Dei

¹ Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Hôsia 6:1 Referans Kwoze

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Jop 5:18

Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

I Sam 2:6

Kră Yang ăn lôch păng ăn arih; Sư tơhuŏng bơngai lăm pơlei bơngai lôch păng gô tơiung hơtŏk arih dơ̆ng.

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Je 50:4

Kră Yang khan: “Lăm lu năr noh, lăm kơplah noh, bơngai Isơrael păng bơngai Juđa năm hơdai, yak rah nhơ̆m rah, Chơchă Kră Yang, 'Bok Kei-Dei lu sư.

Je 3:22

“Ơ lu kon pơlei ưh kơ tơpăt, brŏk bĕ! Inh gô pơklaih tơdrong kơnê̆ lu iĕm.” “Âu, lu nhôn gô brŏk tơ Ih, Ih boih Kră Yang 'Bok Kei-Dei lu nhôn.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Je 33:5

Tơblah hăm lu bơngai Kalđê, lu hnam 'nâu 'bĕnh kơ atâu akâu bơngai Inh pơlôch lăm năr Inh hil, lăm năr Inh mĭl. Yua kơ lu kon pơlei âu pơm yoch na Inh ôn boih muh măt Inh đơ̆ng pơlei âu.

Horiso 30:7

Ơ Kră Yang, Ih ăn kơ inh gơh oei kơjăp thoi kông, d Ih ôn muh măt, inh ưh kơ hiôk hloi,

Je 30:12

Kră Yang khan: “Tơdrong jĭ rơka iĕm ưh pă gơh klaih boih; rơka jĭ iĕm jrŭ dêh.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Jêphania 2:1

Ơ kon pơlei mă ưh kơ băt mơlâu! Akŭm băl bĕ, tơpă, athei akŭm băl bĕ!

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.

Jop 16:9

Lăm tơdrong blĕk Kră Yang 'Bok Kei-Dei hek hơđah inh; kăp hơnĕnh blĕk kơ inh thoi sem bri, Thoi bơngai ayăt kơ inh sư lăng pơglăn 'bloh tơ inh.

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Horiso 71:20

Ih đei ăn boih kơ inh tơdrong gleh pơmat krưp: Ih gô pơrih inh păng pôk hơtŏk inh đơ̆ng sơlŭng jrŭ lăm teh đak.

Bôk Bơthô 3:3

Đei năr pơlôch, đei năr ming pơklaih; Đei năr pơrăm, đei năr pơm tơiung;

Êsai 17:7

Lăm năr noh, kon bơngai gô tơchĕng 'blŏk gơnang kơ Tơ'ngla mă Pơjing sư, păng măt lu sư wơ̆t lăng tơ Kră Yang 'Lơ̆ng Rơgoh đe Isơrael.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Nhom 3:11

Pơm kơ inh wơ̆l păng hek hok inh, pơm kơ inh pơmat dêh.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Lêwi 14:48

Mă-lei đơ̆ng rŏng kơ hnam mă đei man bah ming tơdah 'bok soi wơ̆t lăng, ưh pă đei 'bôh tơdrong jĭ phơ̆k sa lanh lăm hnam, 'bok soi gô khan hnam noh rơgoh, yua kơ tơdrong jĭ phơ̆k klaih bơih.

II Ho 30:6

Thoi noh lu bơngai năm tơbăt tơ jơ̆p kơ dêh char Isơrael păng char Juđa năm ba hla bơar pơtao păng lu yŏng pơgơ̆r sư, kiơ̆ thoi pơtao đei pơkă khan: “Ơ kon sâu adrĕch Isơrael, wih brŏk bĕ tơ Kră Yang 'Bok Kei-Dei Abraham, Isăk păng Isơrael, wă kơ Sư kư̆m wih tơ lu iĕm bơngai mă oei hlot klaih đơ̆ng ti lu pơtao Asiri.

Jop 22:23

Tơdah ih wih dơ̆ng tơ Kră Yang Tih Hloh, lei ih gô gơh đei hơmet ming dơ̆ng. Tơdah ih hŭt lê̆ tơdrong kơnê̆ ataih đơ̆ng anih bơsŭn ih.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.