Hôsia 4:2 - Sơ̆p Hlabơar Nơ̆r 'Bok Kei-Dei

² Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 4:2 Referans Kwoze

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!

I Tes 2:15

Lu bơngai Juđê pơlôch Kră Yang Yêsu Krist păng pơlôch lu 'bok khan lê̆ hơdrol, wă khan lu 'bok mă pơtruh nơ̆r 'Bok Kei-Dei sơ̆. Lu sư kư̆m pơm kơnê̆ kơ bơ̆n mơ̆n. Lu sư areh kơ kon bơngai ling-lang. Lu sư pơm thoi noh 'Bok Kei-Dei ưh kơ lăp đon kơ lu sư ôh.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Je 6:7

Thoi đak sơlŭng lĕch thoi yơ, tơdrong kơnê̆ lu sư kư̆m lĕch thoi noh. Kơtơ̆ng đei tơdrong kơnê̆ păng pơrăm tơ lăm pơlei noh, tơdrong jĭ jăn, rơka rơkĕch oei 'bơ̆t anăp Inh ling-lang.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Sa 7:9

“Kră Yang Tih Hloh khan thoi âu: ‘Pơm bĕ dôm tơdrong kiơ mă 'lơ̆ng tơpăt păng rim 'nu athei iơ̆m dim, 'mêm mơnat kơ 'nhŏng oh;

Sa 5:3

Đơ̆ng noh sư khan kơ inh: “'Nâu jing tơdrong hiap pơtê̆ jơ̆p-jang kơ teh đak; yua kơ kiơ̆ kơ sơ̆p hla bơar đei chih boih tơ gah minh pah, rim 'nu bơngai bu mă tơtông klĕ đe gô pơrăm lê̆ sư, đơ̆ng noh kư̆m kiơ̆ kơ hla bơar đei chih tơ minh pah nai dơ̆ng bơngai bu mă kăt tơdra hơkar hơlĕnh đe kư̆m gô pơrăm lê̆ sư.”

Jêphania 3:1

Răm-'băm tơpă kơ pơlei 'maih tơblah păng pơlei 'mê̆-'mach, pơm tơdrong kơnê̆ pơjăm pơjuă đe.

Mi 6:10

Lăm hnam bơngai kơnê̆ hăm oei đei tơmam gĭt kơnê̆ păng 'long kŏng ưh kơ tơpă hơlĕnh mă Inh areh dêh?

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Mi 3:2

Ơ lu areh kơ tơdrong 'lơ̆ng wă kơ tơdrong kơnê̆, lu iĕm lŏng akar lu kon pơlei Inh, hleh sĕch đơ̆ng kơting lu sư.

Hôsia 12:14

Êphraim tơ tơblĕk Inh blĕk Inh. Yua kơ thoi noh Kră Yang lu sư gô pơm tơwih kơ lu sư pŭ iŏk pham lĕch yua kơ dôm tơdrong kơnê̆ dêh lu sư pơm păng gô pơdrâu ăn tơdrong mơlâu kơ lu sư.

Hôsia 10:4

Lu sư chă pơma pơkă pơkăm hơlĕnh lăm nơ̆r pơgơ̆p, Thoi noh tơdrong lu sư. Jing thoi 'nhĕt kơnê̆ hơkăm chăt rok trong đêl choh lăm chŭn.

Hôsia 7:3

Lu sư pơm tơdrong yoch wă pơhiôk kơ pơtao, păng yua tơdrong hơlĕnh lu sư pơhiôk lu kră pơgơ̆r.

Hôsia 5:2

Lu bơngai âu jrok trong mơ̆t jrŭ tơ lăm tơdrong kơnê̆ boih. Mă-lei Inh gô bơtho pơjĭ đĭ-đăng lu sư.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

Both 5:11

Lu iĕm 'nĕ kơ yua anăn Kră Yang 'Bok Kei-Dei lu iĕm na pơma kư̆ kă; yua kơ Kră Yang gô phak tơpă dôm lu bơngai bu wă yua anăn Sư na pơma kư̆ kă.

Both 5:18

Ih 'nĕ kơ pơm pơyô kư̆ kă.

Both 5:19

Ih 'nĕ kơ tơtông klĕ.

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Êsêkiên 7:23

Hơmet lê̆ glang yua kơ lăm teh đak âu 'bĕnh kơ tơdrong pơm yoch kơnê̆ 'bet pơlôch băl păng lăm pơlei âu 'bĕnh kơ tơdrong pơrăm băl.

Hôsia 6:8

Gileat jơ̆ pơlei lu bơngai pơm kơnê̆, jơ̆ng lu sư juă tă kơ pham ngăl.

Hôsia 7:4

Đĭ-đăng lu sư tă kơ pơm pơyô kư̆ kă ngăl. Lu sư jing thoi tơnuh ŭnh tŏ mă đe tơkuh wă 'buh 'bĕng, bơngai 'buh 'bĕng tơkuh pơgơ̆p ŭnh iŏk đơ̆ng 'nao jrâu tơpŭng bơlah dĭng truh tơ bơlah pông.

Hôsia 10:13

Lu iĕm choh rơuơ boih tơdrong kơnê̆, lu iĕm yuă iŏk boih tơdrong kơnê̆ boih, lu iĕm sa plei đơ̆ng tơdrong hơlĕnh pơdăr. Yua kơ lu iĕm gơnang boih kơ trong lu iĕm kơdih, păng lu linh pran kơtang lu iĕm.

Hôsia 11:12

Lu bơngai Êphraim hơlĕnh kơ Inh lu kon pơlei Isơrael pơm plơ̆ plĕch. Mă-lei lu bơngai Juđa oei kiơ̆ Kră Yang 'Bok Kei-Dei, oei kiơ̆ Tơ'ngla 'lơ̆ng rơgoh tơpă sĭt.