Hôsia 10:12 - Sơ̆p Hlabơar Nơ̆r 'Bok Kei-Dei

¹² Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Hôsia 10:12 Referans Kwoze

Ya 3:18

Lu bơngai ngôi đĕch adrĕch ngôi hiôk sư wă pơhiôk đe ling-lang, ưh kơ layơ areh kơ bôl buăl, sư pơm tôm tơdrong 'lơ̆ng bôl buăl 'beh kơ sư, thoi noh na đĭ-đăng kơ bôl buăl hơdai wang băt kơ pơm 'lơ̆ng dih băl.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Horiso 105:4

Chă bĕ Kră Yang păng tơdrong pran kơtang Sư chơchă bĕ muh măt Sư ling-lang.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Am 5:4

Kră Yang khan kơ adrĕch Isơrael: Chă bĕ inh na lu iĕm gô arih.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Hôsia 8:7

Yua kơ lu sư rei boih kial, lu sư gô yuă iŏk hơbŭt tih; tơm 'ba lu sư oei dơ̆ng, mă-lei pă đei hnông, 'ba lu sư ưh pă đei găr pă jing phe; mă khan đei găr ră mă-lei lu bơngai tơmoi gô luăn sa đĭ.

Jang 2:18

Na lăm năr 'noh kơnh Inh gô ăn Yang Bơhngol Inh kơ đĭ-đăng kơ lu đĭch đam Inh mă drŏ-nglo drŏ-kăn, na lu sư gô pơma nơ̆r khan lê̆ hơdrol.

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Êsai 32:20

Pŭn dêh kơ lu iĕm rei adrĕch jê̆ tơter đak, achăng rơmo aseh chă sa mơ̆ng kơ wă.

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Je 50:4

Kră Yang khan: “Lăm lu năr noh, lăm kơplah noh, bơngai Isơrael păng bơngai Juđa năm hơdai, yak rah nhơ̆m rah, Chơchă Kră Yang, 'Bok Kei-Dei lu sư.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Tơdrông Pơđơk 18:21

Đơ̆ng hơpiĕt gơh pơm kơ bơ̆n arih dah lôch; Bu 'mêm kơ sư gô yua sa đơ̆ng plei noh.

Horiso 72:6

Pơtao gô jur thoi 'mi jruh tơ kơpal mir nhen thoi 'mi tih jruh hơiuh tơ teh.

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.