Hơri Hiôk 8:14 - Sơ̆p Hlabơar Nơ̆r 'Bok Kei-Dei

¹⁴ Adruh Jah brŏk tĕnh bĕ ơ bơngai inh hơyuh. Thoi minh pôm kơtŏng. Dah thoi minh pôm juei dăm tơ kơpal kông 'long 'bâu phu.

Hơri Hiôk 8:14 Referans Kwoze

Hơri Hiôk 2:17

Dĭng 'brưch hơdah păng măng mu hiong đĭ. Ơ bơngai mă inh hơyuh, wih hơlơ̆k tơ âu bĕ, Thoi kơtŏng, Thoi juei dăm tơ kơpal kông groi. 'Blŏk kơ pơyô sư

Tơdrông Tơ'bôh 22:20

'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Hơri Hiôk 2:9

Bơngai mă inh hơyuh nhen thoi kơtŏng. Dah thoi juei dăm. To sư dơ̆ng tơ rŏng tơnăr hnam nhôn. Sư tơmang đơ̆ng 'măng-'mŏk, Sư gŏk lăng đơ̆ng 'măng hơdrao.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Luka 19:12

Thoi noh na Sư khan kơ lu bơngai ei: “Đei minh 'nu bơngai pơm tih wă năm tơ dêh ataih wă tơ'bơ̆p 'bok pơtao tơm, yua kơ 'bok pơtao tơm wă pôk sư pơm phŏ sư wă pơgơ̆r dêh char sư kơdih, klaih kơ noh sư gô wih dơ̆ng.

Hơri Hiôk 4:6

Dĭng 'brưch hơdah păng măng mu hiong đĭ, Inh gô tŏk tơ kông 'long 'bâu phu. Inh gô truh tơ groi pơgang 'bâu phu

Both 12:15

Mă tơ anih ayơ lăm pơlei lu iĕm kơdih, iĕm gơh koh sa lu sem dơrong mơ̆ng kơ iĕm, kiơ̆ kơ tơdrong pŭn hiôk mă Kră Yang 'Bok Kei-Dei asong ăn kơ lu iĕm; mă bơngai kơnê̆ 'mê̆-'mach dah bơngai 'lơ̆ng rơgoh kư̆m gơh sa 'nhĕm noh thoi iĕm sa 'nhĕm juei păng 'nhĕm kơtŏng jĭl bram.

Hơri Hiôk 2:7

Ơ lu adruh Jêrusalem inh apinh lu iĕm pơkă, Hăm anăn lu kơtŏng dah lu juei lăm bri. 'Nĕ kơ hơtŭt 'bơm păng 'nĕ kơ râu tơdrong hơyuh hơđơ̆r mưh tam mă trŏ kơ jơ.