Hơri Hiôk 4:11 - Sơ̆p Hlabơar Nơ̆r 'Bok Kei-Dei

¹¹ Ơ ŭnh om, hơkŭng ih lĕch đak sut. Tơ hơpiĕt ih đei đak sut păng đak toh; 'Bâu phu đơ̆ng hơbĕn ao ih, thoi 'bâu phu đơ̆ng char Liban.

Hơri Hiôk 4:11 Referans Kwoze

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Hơri Hiôk 7:9

Ih Chŭm inh 'ngam thoi đak hơmu. Ro hloi tơ hơkŭng păng hơnĕnh inh.

Hơri Hiôk 5:13

Meng sư dơ'bŭm thoi pơgar pơkao 'bâu phu, 'bâu phu đông jơ̆p-jang. Hơkŭng dreng drao nhen thoi pơkao jơk kok, Lĕch đak pơgang 'bâu phu ngăl.

Bl 27:27

Jakôp năm jê̆ păng chŭm sư. Isăk 'bâu phu ao kon sư Êsâu na sư sơkat hloi thŭ pŭn hiôk păng khan: 'Nâu 'bâu phu đơ̆ng kon inh. Nhen thoi 'bâu tơ mir chŭn mă Kră Yang đei ăn pŭn hiôk.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Êsai 7:15

Hơ'lơ̆p ei gô sa đak toh krăl păng đak sut, dĭng truh sư băt hŭt tơdrong kơnê̆ păng rơih iŏk tơdrong 'lơ̆ng.

Hơri Hiôk 4:3

Hơkŭng ih 'breo thoi brai thêt, 'Bơ̆r ih rơ'buch hơiă. Meng ih gom păng che dơ'bŭm Nhen plei gărnăt.

Tơdrông Pơđơk 16:24

Nơ̆r pơma rơngơp 'ngam thoi đak sut, 'Ngam kơ bơhngol gơh klaih praih jăng kơ kơting.

Tơdrông Pơđơk 5:3

Yua kơ 'bơ̆r lu bơngai drŏ-kăn đi tơlĕch nơ̆r đak sut 'ngam, Păng nơ̆r sư pơma rơbơ̆r hloh kơ đak rơmă.

Horiso 45:8

Lu ao tai Ih 'bâu phu pơgang, hơliĕng brang păng hol. Đơ̆ng lăm anih pơtao pơm păng bơla đe reh brŏ đei tơlei pơm kơ Ih chơt hiôk.

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Hơri Hiôk 4:10

Ơ mŏ adruh inh, ŭnh om inh! Tơdrong hơyuh ih 'lơ̆ng 'ngam hloh kơ sik hơmu. 'Bâu phu đak pơgang đơ̆ng ih 'bâu 'lơ̆ng hloh kơ lu tơmam 'bâu phu nai!

Horiso 92:13

Đe pơtăm lu sư lăm hnam Kră Yang. Wơ̆ tih tơ lăm cham Kră Yang 'Bok Kei-Dei lu bơ̆n.

Tơdrông Pơđơk 5:2

Wă kơ ih răk đon gơh hơgei, bơwei 'bơ̆r hlôh wao ih.