Hơri Hiôk 3:10 - Sơ̆p Hlabơar Nơ̆r 'Bok Kei-Dei

¹⁰ Sư pơm jơ̆ng tang-dŏ noh hăm hu, Anih gơning rŏng păng maih, Anih hơ-oei gom păng che gôh găm. Tŏk-bŏk lăm noh sư lơ̆k hăm che đơ̆ng lu adruh Jêrusalem tanh hăm jơhngơ̆m hơyuh.

Hơri Hiôk 3:10 Referans Kwoze

Tơdrông Tơ'bôh 3:12

‘Tơdrong tơblah păng yang kơnê̆ jei bơngai bu, Inh gô ăn kơ bơngai noh pơm jrăng hnam akŭm 'Bok Kei-Dei 'Bă Inh tơ Pơlei 'Lơ̆ng Sư. Sư pơdơ̆ng wei hnam noh ling-lang. Păng Inh chơ̆m đŏng yâu 'Bok Kei-Dei 'Bă Inh tơ klĕng sư păng anăn Pơlei 'Lơ̆ng 'Bok Kei-Dei 'Bă Inh. Pơlei 'noh wă khan Pơlei Jêrusalem 'nao mă 'Bă Inh gô tơjur đơ̆ng plĕnh ning-mônh. Păng Inh kư̆m chơ̆m đŏng yâu Inh tơ klĕng sư. Đŏng yâu noh chih anăn Inh 'nao pơjing.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Rom 5:8

Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

Hơri Hiôk 1:5

Lu adruh 'nao iung hưch kơ ih trŏ bơih Ơ lu đe adruh pơlei Jêrusalem, Inh jơmăng ră, mă-lei 'lơ̆ng hơbŏ, Thoi lu hnam khăn Kêđar, Thoi che pĕng anih Sôlômôn.

Horiso 87:3

Ơ pơlei Kră Yang 'Bok Kei-Dei, đe roi boih tơdrong ư-ang kơ ih. Sêla

Hơri Hiôk 3:9

Pơtao Sôlômôn pơm kơ sư kơdih minh pôm tang-dŏ, Hăm 'long đơ̆ng char Liban.