Horiso 97:7 - Sơ̆p Hlabơar Nơ̆r 'Bok Kei-Dei

⁷ Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Horiso 97:7 Referans Kwoze

Hêbrơ 1:6

Thoi noh na kơplah năr mă Sư ăn Kon Sư kơdih jur tơ teh âu sơ̆, Sư krao đĭ-đăng kơ lu linh jang Sư khan: “Ơ đĭ-đăng lu linh jang Inh, kơkuh kơ Sư bĕ.”

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Êsai 42:17

Mă-lei lu bơngai gơnang kơ rup yang lu sư traih lu bơngai khan kơ lu rup lu sư man: Lu iĕm bơih yang lu nhôn, tă kơ gô kơdŭn tơ rŏng păng mơlâu.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.

Le 20:4

Iĕm 'nĕ kơ pơm lu rup man kơdih, kư̆m 'nĕ pơm rup ayơ nhen thoi tơmam tơ kơpal plĕnh ti, dah tơ ala teh âu, dah tơ lăm ala đak sŭng.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

II Ho 3:13

Pơnăr 'bar tŏ chêrubim bơyar ngăl kơjung sư đei 'bar-jĭt hơgăt; 'bar tŏ chêrubim dang dơ̆ng tơwih măt tơ gah tơnăr Anih 'lơ̆ng Rơgoh.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 5:8

Lu iĕm 'nĕ kơ pơm rup yang na kơkuh, kư̆m 'nĕ kơ pơm rup nhen thoi tơmam kơpal plĕnh dah nhen sem brem thoi tơ ala teh âu, dah nhen thoi ka lăm đak sŭng.

Le 25:20

'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat.

I Sam 5:3

Pơgê đơ̆ng rŏng kon pơlei Asdôt lu sư iung đơ̆ng hrôih 'bôh đơ̆ng rup yang Đagơn păk kơmŭ brum 'bơ̆t anăp Hom Pơgơ̆p Kră Yang, Pơgê đơ̆ng rŏng dơ̆ng, lu sư iung đơ̆ng hrôih kư̆m 'bôh rup yang Dagôn păk kơmŭ brum tơ teh 'bơ̆t anăp Hom Pơgơ̆p Kră Yang, mă-lei pơgê noh lăp oei 'bôh pă akâu, kơ̆l păng 'bar pah ti kơtĕch 'bôh tă tơ 'măng.

Êsai 42:7

Wă pơih ăn măt lu bơngai tol, tơlĕch lu bơngai đe chĭt lăm hnam phak păng đơ̆ng anih măng mu.

Êsai 45:16

Đĭ-đăng lu bơngai pơm man rup yang lu sư gô mơlâu păng rŭng răng, lu sư mơlâu dêh kơdâu weh đĭ.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.