Horiso 95:11 - Sơ̆p Hlabơar Nơ̆r 'Bok Kei-Dei

¹¹ Yua kơ noh na Inh hil păng pơkă khan: “Lu sư ưh kơ đei layơ mơ̆t pơdơh lăm tơdrong hiôk Inh.”

Horiso 95:11 Referans Kwoze

Hêbrơ 4:3

Pôm bơ̆n bơngai lui gô mơ̆t pơdơh hăm Sư tơpă, yua kơ bơ̆n băt kơ Sư khan kơ lu bơngai noh sơ̆ khan: “Inh hil kơ lu sư thoi âu: ‘Iĕm pơm thoi noh, iĕm ưh kơ gơh layơ wă mơ̆t pơdơh tơ dêh char Inh.’ ” Lu bơngai noh ưh kơ gơh mơ̆t pơdơh hăm Sư, ưh kơ sĭ yua kơ anih hnam ưh kơ mah dah ưh kơ đei. Ưh ôh. Anih hnam hăm tôm tơdrong nai Sư hơmet lê̆ đơ̆ng blŭng-a Sư pơjing plĕnh păng teh sơ̆ boih.

Hêbrơ 4:5

Na 'Bok Kei-Dei khan lu bơngai noh ưh kơ layơ gơh mơ̆t pơdơh hăm Sư tơ dêh char Sư, bơ̆n băt kơ Sư pơdơh boih gô kon bơngai pơdơh hơdai hăm Sư.

Hêbrơ 3:11

Thoi noh na Inh hil kơ lu sư thoi âu: ‘Iĕm pơm thoi noh, iĕm ưh kơ gơh layơ wă mơ̆t pơdơh tơ dêh char Inh.’ ”

Jo 14:23

lei na lăm lu sư ưh kơ đei minh 'nu bu mă gơh 'bôh char mă Inh đei pơkă wă ăn kơ lu 'bok yă lu sư păng lu bơngai mă ưh kơ chu boih nơ̆r Inh, ưh kơ đei bu mă gơh 'bôh char noh.

Hêbrơ 3:18

Bĭ Sư khan: Iĕm ưh kơ gơh layơ wă mơ̆t pơdơh tơ dêh char Inh, noh Sư hil kơ đe bu? Sư hil kơ lu bơngai mă ưh kơ chu Sư.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Both 12:9

Dang ei lu iĕm tam mă mơ̆t tơ anih pơdơh păng tam mă đei iŏk teh bơ̆jang sa mă Kră Yang 'Bok Kei-Dei iĕm wă ăn.

Tơdrông Tơ'bôh 14:13

Păng inh kơtơ̆ng dơ̆ng nơ̆r pơma đơ̆ng plĕnh Sư khan kơ inh thoi âu: “Inh wă kơ ih chih tơdrong âu: Lu bơngai mă lui boih kơ Kră Yang mă sư lôch kơnh pơgê dah layơ sư hiôk boih.” Na Yang Bơhngol 'Lơ̆ng tơl Sư: “Tơpă gô hiôk thoi Sư khan, yua kơ lu sư dang pơdơh kơ tơdrong jang pơmat-tat tơ ala teh âu. Mă-lei mă sư jang pơmat-tat gleh glăn tơ ala teh âu dang yơ, 'Bok Kei-Dei kư̆m ưh kơ hiơt tơdrong sư jang hrat noh ôh.”

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.