Horiso 95:10 - Sơ̆p Hlabơar Nơ̆r 'Bok Kei-Dei

¹⁰ Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Horiso 95:10 Referans Kwoze

Hêbrơ 3:17

Kơplah puăn-jĭt sơnăm noh sơ̆ 'Bok Kei-Dei hil kơ đe bu? Sư hil kơ lu bơngai Isơrael pơm yoch. 'Noh na lu sư lôch kơtă hloi tơ dêh glă.

Jang 13:18

Kơplah puăn-jĭt sơnăm lu bơngai Isơrael pơm lơ tơdrong ưh kơ chu kơ 'Bok Kei-Dei tơ char glă. Mă-lei 'Bok Kei-Dei 'mêm mơnat kơ lu sư tơpă.

Jang 7:36

“Môis anhăk lu đe Isơrael đơ̆ng dêh Êyiptơ. 'Bok Kei-Dei ăn kơ Môis pơm tơdrong mơsêh mơyang tơ dêh Êyiptơ, tơ đak dơsĭ 'brê păng tơ char glă kơplah puăn-jĭt sơnăm.

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Je 9:6

Ih oei lăm tơdrong hơlĕnh pơdăr. Đơ̆ng tơdrong hơlĕnh pơdăr noh na lu sư sơngah kuă kơ băt kơ Inh,” Kră Yang khan.

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Both 1:3

Lăm sơnăm mă puăn-jĭt năr mă mônh khei mơjĭt-mônh, Môis pơma khan kơ kon pơlei Isơrael dôm tơdrong mă đơ̆ng Kră Yang. Kră Yang tơtă kơ sư athei pơma khan kơ lu đe noh.

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Bl 6:6

Na Sư hmach kơdih Sư kơ tơdrong pơjing boih kon bơngai kơpal teh păng Sư sơ'ngon lăm jơhngơ̆m.

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Je 14:10

Kră Yang khan gah kon pơlei 'nâu: “Lu sư 'maih kơdâu tơklah thoi noh, ưh kơ băt pơkơ̆ng jơ̆ng lu sư; Na Kră Yang ưh kơ sơng iŏk lu sư; Dang ei, Kră Yang 'blŏk kơ tơdrong kơnê̆ lu sư, Kră Yang wă phak lu sư đơ̆ng pơm yoch.”