Horiso 93:1 - Sơ̆p Hlabơar Nơ̆r 'Bok Kei-Dei

¹ Kră Yang pơgơ̆r; Sư hrŭk ư-ang rang mơnhal. Kră Yang hrŭk tơdrong ư-ang rang mơnhal păng tơ̆n tơdrong pran kơtang, tơpă pơjing teh đak kơjăp, ưh kơ đei pơpơ̆.

Horiso 93:1 Referans Kwoze

Horiso 96:10

Athei roi bĕ kơ lu dêh char: “Kră Yang pơgơ̆r. Teh đak đei pơjing kơjăp, ưh kơ đei pơpơ̆. Sư gô sek tơlang kơ kon pơlei pơla tơpăt.”

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

I Ho 29:12

Tơdrong mơdrŏng mơng, păng tơdrong pơyom lĕch đơ̆ng Ih ngăl, Ih boih wei-lăng đĭ-đăng; tơdrong mơsêh mơyang pran kơtang lăm ti Ih; Ih pơm ăn đei tơdrong pơyom păng ăn jơhngơ̆m pran kơ rim 'nu bơngai.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Horiso 97:1

Kră Yang pơgơ̆r, ơ teh chhôk hal bĕ; Ơ lu bŏl đaka chơt hiôk bĕ.

Horiso 59:13

Apinh Kră Yang hil păng pơlôch lu sư, tơpă pơlôch pơrăm đĭ lu sư. Wă kơ lu sư ưh pă đei dơ̆ng; Ăn kơ kon bơngai băt Kră Yang 'Bok Kei-Dei wei-lăng păng pơgơ̆r? Jakôp! Truh tơ tôch teh đak. Sêla

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Êsai 11:5

Tơdrong 'lơ̆ng tơpăt noh thoi tơlei tơ̆n Sư, tơdrong tơnăp sĭt noh thoi tơlei tơ̆n tơ kơiĕng Sư.

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Horiso 18:32

Kră Yang 'Bok Kei-Dei tơ̆n ăn kơ inh hăm tơdrong pran kơtang, Păng pơm kơ trong inh dơnă.

Jop 40:10

Pơhrôp ih kơdih hăm tơdrong 'lơ̆ng rŏ pran kơtang. Hrŭk iŏk bĕ tơ akâu ih tơdrong ư-ang rang mơnhal.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Horiso 75:3

Mă khan teh păng kon pơlei oei kơpal teh pơpơ̆, Inh boih pơkơ̆ng jrăng sư kơjăp. Sêla

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

I Ho 16:30

Hli tơtơ̆ bĕ 'bơ̆t anăp Sư, ơ đĭ-đăng teh đak; Tơpă, Sư pơjing teh đak oei kơjăp, ưh kơ đei tơdrŏ tơdrĕnh.

I Ho 16:31

Ơ lu tăl plĕnh chơt hiôk bĕ, ơ teh đak 'nă hal bĕ. Ơ kon pơlei oei lăm teh đak roi pơdah bĕ. “Kră Yang tơ'ngla pơgơ̆r.”

Horiso 65:7

Ih khă lu jơwa đak dơsĭ poh-yă kial hơbŭt ngăn hreh. Păng tơdrong kon pơlei iung pơm kơnê̆.