Horiso 92:10 - Sơ̆p Hlabơar Nơ̆r 'Bok Kei-Dei

¹⁰ Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Horiso 92:10 Referans Kwoze

Horiso 23:5

Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

Horiso 89:17

Yua kơ Ih jơ̆ tơdrong ư-ang pran kơtang lu sư; Đơ̆ng Ih mơnat na hơke lu nhôn tưk kơjung.b

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

II Kor 1:21

'Bok Kei-Dei boih pơm kơ nhôn hăm iĕm lui kơ Yêsu Krist kơjăp. Kư̆m Sư boih ăn kơ nhôn Yang Bơhngol 'Lơ̆ng wă kơ nhôn hơgei jang tơdrong Sư.

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

I Sam 2:10

Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a

Horiso 89:24

Tơdrong tơpăt Inh păng tơdrong 'mêm Inh gô oei hơdai hăm sư. Đơ̆ng anăn Inh, hơke sư gô rai tŏk kơjung.c

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.

Jo 24:8

Kră Yang 'Bok Kei-Dei chông tơlĕch sư đơ̆ng dêh Êyiptơ, jơhngơ̆m lu sư pran kơtang thoi rơmo bri. Luăn sa lu dêh char nai, wă khan lu ayăt kơ sư. Gơ̆ pơchah lê̆ kơting lu sư, 'bet lu sư hăm 'brơ̆m hră,

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Jo 23:22

Kră Yang 'Bok Kei-Dei chông tơlĕch lu sư đơ̆ng dêh char Êyiptơ. Lu sư đei jơhngơ̆m pran thoi rơmo bri.

Horiso 148:14

Sư đei hơtŏk boih jơhngơ̆m pran lu kon pơlei Sư thoi hơke sem bri Noh jơ̆ tơdrong hơri ư-ang đơ̆ng lu bơngai 'lơ̆ng rơgoh Sư, noh lu bơngai Isơrael. Kon pơlei pơla mă oei jê̆ Sư. Halêluya!

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.

Horiso 18:15

Ơ Kră Yang, đơ̆ng nơ̆r Ih chrih, Kial lĕch đơ̆ng trôm muh Ih, na kơđĕl đak dơsĭ 'bôh hơnă teh đak kư̆m 'bôh bang.

Horiso 101:8

Lăm rim pơgê inh gô pơlôch pơđĭ lu bơngai pơm kơnê̆ lăm tơring. Wă pơrăm lê̆ lu bơngai pơm kơnê̆, đơ̆ng pơlei Kră Yang.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!