Horiso 9:1 - Sơ̆p Hlabơar Nơ̆r 'Bok Kei-Dei

¹ Inh gô bơnê kơ Ih. Ơ Kră Yang, hăm đĭ jơhngơ̆m, Inh gô ră roi dôm tơdrong jang hlĭch chrơp Ih,

Horiso 9:1 Referans Kwoze

Horiso 86:12

Ơ Kră Yang 'Bok Kei-Dei inh. Inh kơkuh bơnê kơ Ih hăm đĭ jơhngơ̆m. Inh gô ư-ang anăn Ih ling-lang.

I Ho 16:24

Roi pơdah bĕ tơdrong ư-ang Sư tơ lăm lu adrĕch adrung bơngai. Tơdrong hlĭch Sư pơm bơih tơ lăm đĭ-đăng kon pơlei.

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 26:7

Hơri nơ̆r bơnê re, Păng ră roi dôm tơdrong hlĭch chrơp mă Ih đei pơm.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Horiso 7:17

Inh gô bơnê kơ Kră Yang yua kơ tơdrong 'lơ̆ng tơpăt Sư Inh gô hơri bơnê kơ Anăn Kră Yang, jơ̆ Kră Yang tih hloh.

I Ho 16:12

'Blŏk bĕ tơdrong jang hlĭch chrơp Sư đei pơm bơih. Tơdrong hlĭch chrơp Sư păng tơdrong Sư sek tơlang.

Horiso 138:1

Inh hơri bơnê kơ Ih hăm đĭ jơhngơ̆m. Hơri bơnê kơ Ih 'bơ̆t anăp lu yang.

Horiso 51:15

Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

Luka 10:27

'Bok thây ei khan: “Lăm sơ̆p hla bơar tơdrong juăt khan: ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng. Păng bơ̆n athei 'mêm kơ bôl buăl thoi bơ̆n 'mêm akâu bơ̆n kơdih.’ ”

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 60:6

Khŭl aseh lăk-đa gô 'bĕnh-'bang kơ dêh char ih, kon aseh lăk-đa đơ̆ng dêh char Mađian păng Êpha. Lu bơngai mơdro đơ̆ng Sêba truh, chĕp ba maih păng tơmam 'bâu phu păng hơri ư-ang kơ Kră Yang.

Horiso 106:2

Bu gơh roi dôm tơdrong jang mơsêh mơyang Kră Yang, bu kĕ roi dôm nơ̆r hơri bơnê kơ Sư?

Horiso 9:14

Tơ 'măng jang kon hơdruh Siôn. Inh ră roi đĭ dôm tơdrong 'mêm bơnê kơ Ih, Păng gô chơt hiôk lăm tơdrong Ih dŏng pơklaih