Horiso 89:42 - Sơ̆p Hlabơar Nơ̆r 'Bok Kei-Dei

⁴² Ih tưk ti 'ma lu ayăt kơ sư. Ih pơm ăn kơ lu bơngai ayăt kơ sư hiôk chơt.

Horiso 89:42 Referans Kwoze

Horiso 80:6

Ih pơm ăn kơ lu bơngai jih 'ma pơjah tơgar kơ lu nhôn; Păng lu ayăt kơ nhôn lu sư hiĕk pơjăm lu nhôn.

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Yo 16:20

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Horiso 13:2

Bơhngol inh oei wă pơmat-tat dĭng dang yơ? Lăm jơhngơ̆m inh đei ơh sơ'ngon rim năr. Bơngai ayăt kơ inh pôk hơtŏk hloh kơ inh dĭng dang yơ?

Both 28:43

Bơngai tơmoi oei hơdai iĕm gô rai tŏk pran păng mơdrŏng hloh kơ iĕm rim 'năr, gah lu iĕm, rai 'năr rai rơdu jur ling-lang.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Horiso 80:13

Lê̆ hơke chưk sa păng lu kon sem bri sa sư,