Horiso 89:26 - Sơ̆p Hlabơar Nơ̆r 'Bok Kei-Dei

²⁶ Sư gô krao Inh: Ih boih 'Bă Inh. Kră Yang 'Bok Kei-Dei inh păng Tơmo Tih tơdrong dŏng pơklaih inh.

Horiso 89:26 Referans Kwoze

II Sam 7:14

Inh gô pơm 'bă sư, sư gô jing kon Inh. Tơdah sư pơm yoch, tơpă Inh gô teh bơtho sư hăm sơnguĕt, thoi mĕ 'bă teh bơtho kon;

II Sam 22:47

Kră Yang mă arih ling-lang! Inh hơri ư-ang kơ ih jơ̆ tơmo tih anih mă inh kơ'nơp! Inh ư-ang kơ Kră Yang 'Bok Kei-Dei, Ih boih tơmo tih pĕng inh, Ih dŏng pơklaih inh đơ̆ng tơdrong hli krưp!

Horiso 95:1

Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

Horiso 62:2

Lăp minh 'nu Sư đĕch tơmo pĕng inh, Păng dŏng pơklaih inh, Kơđông kơjăp inh. Inh huay pă pơgơ̆.

Yo 11:41

Lu sư pơih tơnglơ̆p tơmo ei. Na Yêsu ngoi tơ plĕnh krao khan kơ 'Bă Sư: “Ơ 'Bă, Inh bơnê kơ Ih kơlih kơ Ih mơ̆ng Inh krao khan kơ Ih boih.

Luka 23:46

Yêsu pơma 'bơ̆r re khan: “Ơ 'Bă, Inh pơjao ăn kơ Ih Bơhngol Inh.” Na lăp Sư pơma đang boih, na Yêsu kơtĕch jơhngơ̆m hloi.

Horiso 18:46

Kră Yang oei arih ling-lang, thoi tơmo pĕng, trŏ kơ bơ̆n kơkuh tơpă Kră Yang 'Bok Kei-Dei Tơ'ngla pơklaih inh trŏ kơkuh pơyom

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Markôs 15:34

Lăp pêng jơ kơsơ̆ Yêsu pơma 'bơ̆r re khan: “Êli, Êli, lamma sabatthani” wă khan: “Ơ 'Bok Kei-Dei, ơ 'Bok Kei-Dei, yua kơ kiơ Ih achăng lê̆ Inh?”

Horiso 43:4

Dang ei inh gô năm truh tơ anih Chơnang soi kơ Kră Yang 'Bok Kei-Dei. Wă khan truh tơ Kră Yang 'Bok Kei-Dei, noh boih tơdrong mă inh chơt hiôk 'nă hal, Ơ Kră Yang, Kră Yang 'Bok Kei-Dei inh, Inh gô iŏk brŏ reh bơnê ư-ang kơ Ih.

I Ho 22:10

Sư boih gô pơm hnam kơ Anăn Inh. Sư gô jing kon drŏ-nglo Inh, păng Inh gô jing 'bă sư. Inh gô pơm tang-dŏ pơtao sư lăm char Isơrael ling-lang khŏm khŏm.

Hêbrơ 1:5

'Bok Kei-Dei ưh tam layơ khan kơ linh jang, dang Sư khan kơ Kon Sư sơ̆ khan: “Ih boih Kon Inh, năr âu Inh wă ăn kơ Ih pơgơ̆r.” Sư kư̆m khan dơ̆ng thoi âu: “Inh pơm 'Bă Ih, Ih pơm Kon Inh.”

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.