Horiso 89:25 - Sơ̆p Hlabơar Nơ̆r 'Bok Kei-Dei

²⁵ Inh gô dan ti sư tơ kơpal đak dơsĭ, Păng ti 'ma sư tơ kơpal đak krong.

Horiso 89:25 Referans Kwoze

Horiso 80:11

Lu dơng sư hro truh tơ đak dơsĭ, Păng tơmơ̆ng sư bluh truh tơ đak Krong.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Horiso 2:8

Apinh bĕ Inh, Inh gô ăn kơ ih lu teh đak jing teh ih jang sa. Păng jơ̆p-jang kơ teh jing tơmam ih

I Pot 4:21

Pơtao Sôlômôn pơgơ̆r kon pơlei pơla lăm dêh char sư, iŏk đơ̆ng đak Krong Ơphrat truh tơ dêh char Philistin păng truh tơ hơdral Êyiptơ. Rim kơ teh đak chu bơ̆jang păng ra ăn kơ pơtao Sôlômôn truh đĭ chăl arih sư.

I Sam 2:10

Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.