Horiso 89:21 - Sơ̆p Hlabơar Nơ̆r 'Bok Kei-Dei

²¹ Ti Inh gô dŏng tơiung sư. Kơkŏng ti Inh gô pơm ăn kơ sư pran kơtang.

Horiso 89:21 Referans Kwoze

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

II Sam 23:1

'Nâu boih lu nơ̆r pơtao Đawit pơma tuch-luch: Nơ̆r Đawit kon Jese nơ̆r mă bơngai đe pôk atŏk kơjung, mă Kră Yang 'Bok Kei-Dei Jakôp tuh đak pơgang 'bâu phu pôk ăn tơdrong jang; sư chă nơ̆r lu tơdrong hơri đei kon pơlei Isơrael lăp đon.