Horiso 89:19 - Sơ̆p Hlabơar Nơ̆r 'Bok Kei-Dei

¹⁹ Sơ̆ lăm tơdrong tơ'bôh, Ih đei pơma hăm lu bơngai 'lơ̆ng rơgoh Ih. Na khan: “Inh tơgŭm ăn boih kơ bơngai pran kơtang Inh hơtŏk bơngai mă đei rơih iŏk boih đơ̆ng lăm kon pơlei

Horiso 89:19 Referans Kwoze

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.

I Pot 11:34

“Mă-lei ră Inh ưh kơ iŏk đĭ ôh teh đak đơ̆ng tơpang ti Sôlômôn, lê̆ kơ sư oei pơgơ̆r đĭ chăl arih sư, yua kơ Đawit đĭch đam Inh, Inh rơih iŏk boih, sư boih wei răk nơ̆r Inh tơtă păng pơm kiơ̆ dôm tơdrong juăt Inh.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Horiso 89:3

Ih khan: “Inh pơjing boih nơ̆r pơgơ̆p hăm lu bơngai mă Inh đei rơih. Inh đei pơkă hăm Đawit, đĭch đam Inh;

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu:

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

Luka 1:70

'Bok Kei-Dei ăn kơ lu bơngai pơtruh nơ̆r Sư sơ̆ kư̆m khan thoi noh mơ̆n.

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Je 30:21

Lu sư gô đei pơtao lĕch đơ̆ng adrĕch adrung lu sư, Kră pơgơ̆r lu sư kư̆m đei đơ̆ng lăm lu sư. Inh gô krao sư năm jê̆ Inh, wă kơ sư năm jê̆ Inh; yua kơ ưh kơ đei bơngai bu nuih pơ̆n năm jê̆ Inh.” Noh Kră Yang khan.

Horiso 42:3

'Bơ̆t kơplah đe ngăl apinh inh: “Kră Yang 'Bok Kei-Dei ih tơ yơ? Na đak măt pơm tơmam sa inh năr păng măng.

II Sam 17:10

Kơplah noh, lu bơngai nuih kơtang đei jơhngơ̆m thoi Dăm-brang kư̆m hli tơrơ tơtơ̆; yua kơ đĭ-đăng bơngai Isơrael băt kơ pơtao 'bă ih jơ̆ minh 'nu bơngai tơblah hơgei păng lu bơngai kiơ̆ sư tă kơ đei jơhngơ̆m nuih pran ngăl.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

Horiso 3:4

Inh krao ôr Kră Yang! Đơ̆ng kông rơgoh Sư tơl nơ̆r inh. Sêla