Horiso 85:4 - Sơ̆p Hlabơar Nơ̆r 'Bok Kei-Dei

⁴ Ơ Kră Yang 'Bok Kei-Dei Tơ'ngla dŏng pơklaih lu nhôn, apinh Ih tơiung lu nhôn dơ̆ng bĕ. Apinh Ih lê̆ pă blĕk kơ lu nhôn.

Horiso 85:4 Referans Kwoze

Horiso 80:3

Ơ Kră Yang 'Bok Kei-Dei, apinh Ih tơiung lu nhôn dơ̆ng. Pơdah bĕ muh măt Ih wă kơ lu nhôn gơh klaih.

Horiso 80:7

Ơ Kră Yang 'Bok Kei-Dei Tih Hloh, apinh Ih tơiung lu nhôn dơ̆ng, pơdah bĕ muh măt Ih wă kơ lu nhôn gơh klaih.

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Nhom 5:21

Ơ Kră Yang, dui tơwih lu nhôn brŏk tơ Ih bĕ, na lu nhôn gơh brŏk, Pơm ming năr lu nhôn jing 'nao thoi sơ̆.

Malachi 4:6

Sư gô pơm ăn kơ jơhngơ̆m 'bă hơlơ̆k 'blŏk kơ kon sâu sư, kon sâu sư gô hơlơ̆k 'blŏk kơ 'bă lu sư, hli kơnh Inh wă pơrăm teh âu hăm tơdrong hiap.”

Horiso 80:19

Ơ Kră Yang, 'Bok Kei-Dei Tih Hloh, apinh Ih tơiung lu nhôn dơ̆ng. Păng pơdah bĕ muh măt Ih wă kơ lu nhôn gơh klaih.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Je 31:18

Inh kơtơ̆ng boih bơngai Êphraim nhơ̆m hmoi: ‘Ih phak bơtho inh boih, thoi đe pơjuăt kon rơmo mă tam biơh tah 'long ăt, inh pŭ iŏk boih. Apinh Ih iŏk inh brŏk bĕ, na inh gơh brŏk đei hiôk-hian, yua kơ Ih boih Kră Yang 'Bok Kei-Dei inh,

Yo 4:22

Lu iĕm bơngai Samari, iĕm khan kơkuh kơ 'Bok Kei-Dei mơ̆n mă-lei lu iĕm ưh kơ hlôh tơdrong 'Bok Kei-Dei thoi yơ. Pôm lu nhôn bơngai Juđê đĕch hlôh tơpă gah tơdrong 'Bok Kei-Dei. Thoi noh yơh na lu bơngai Juđê tơpă đei bơngai wă pơklaih kon bơngai.

Êsai 10:25

Ưh pă đunh bơih tơdrong Inh hil kơ iĕm gô đĭ na. Tơdrong Inh mĭl gô plơ̆ tơwih pơrăm lu sư.”

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Jôsuê 7:26

Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.