Horiso 85:13 - Sơ̆p Hlabơar Nơ̆r 'Bok Kei-Dei

¹³ Tơdrong tơpăt 'lơ̆ng gô năm adrol 'bơ̆t anăp Sư, gô pơm ăn trong kơ jơ̆ng Sư rok.

Horiso 85:13 Referans Kwoze

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Horiso 119:35

Apinh Ih ăn kơ inh yak kiơ̆ nơ̆r Ih tơtă; Yua kơ inh chơt hiôk lăm trong noh.

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Je 31:14

Inh gô ăn kơ lu 'bok soi đei tôm tơmam kăl yua, Lu kon pơlei Inh gô đei tôm tơmam kăl yua rơkah rơkai” Noh Kră Yang khan.

Êsêkiên 36:30

Inh gô ăn plei 'long hơnik hơnam lăm mir chŭn đei rai tŏk lơ wă kơ lu iĕm huay pă mơlâu kơ char đe lăm tơdrong pơngot rơwĕt.