Horiso 84:10 - Sơ̆p Hlabơar Nơ̆r 'Bok Kei-Dei

¹⁰ Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Horiso 84:10 Referans Kwoze

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 63:2

'Bôh tơdrong mơyang păng, tơdrong ư-ang Ih. Thoi inh 'bôh Ih lăm anih rơgoh.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

Ya 2:3

Na iĕm lăp đon kơ bơngai mơdrŏng mă hrŭk hơbĕn ao 'lơ̆ng rŏ na iĕm khan kơ sư khan: “Apinh ih ngôi tơ anih 'lơ̆ng âu bĕ.” Mă gah bơngai dơnuh iĕm khan: “Dơ̆ng 'bơ̆t e noh, dah tơoei 'bơ̆t hơdrơh noh.”

Luka 2:46

Na lăp năr đơ̆ng rŏng dơ̆ng na bre sư 'bôh Sư tơ lăm hnam akŭm 'Bok Kei-Dei tơm tơ Pơlei Jêrusalem. Sư oei hơdai păng lu 'bok thây wă kơ mơ̆ng lu sư bơtho, na Sư kư̆m jet lu đe noh mơ̆n.

II Ho 6:42

Ơ Kră Yang 'Bok Kei-Dei, apinh Ih 'nĕ achăng lê̆ bơngai mă Ih rơih đe tuh đak rơmă; 'blŏk bĕ tơdrong Ih pơkă 'mêm mơnat kơ pơtao Đawit, đĭch đam Ih.”

Horiso 132:10

Yua kơ Đawit, đĭch đam Ih, Ih 'nĕ kơ sơngah ôh kơ bơngai mă Ih đei tuh đak rơmă.