Horiso 83:4 - Sơ̆p Hlabơar Nơ̆r 'Bok Kei-Dei

⁴ Lu sư khan: “Bĕ bơ̆n năm pơlôch pơđĭ adrĕch lu sư đơ̆ng teh đak, Wă kơ pă đei bu 'blŏk kơ anăn Isơrael dơ̆ng.”

Horiso 83:4 Referans Kwoze

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Je 48:2

Đe ang kơ char Môap ưh pă đei boih; tơ pơlei Hesbôn, lu sư pơđâu wă pơrăm Môap: ‘Bĕ bơ̆n năm pơrăm kon pơlei 'nâu, sŭt lê̆ dĭng pă đei jô̆ Môap lăm lu dêh char dơ̆ng! Ơ pơlei Matmen, ih kư̆m lei-lăi, ăn kơ ih ngăn hreh; đao gưm gô druh kiơ̆ ih.

Horiso 74:8

Lu sư khan lăm jơhngơ̆m: “Bĕ lu bơ̆n pơrăm pơgoh!” Lu sư soh lê̆ boih hnam akŭm kơkuh kơ Kră Yang 'Bok Kei-Dei kơpal teh,

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Le 1:10

Na bơ̆n athei iŏk đon hlôh wao gơh hơgei wă pơm kơ lu sư, hli kơ lu sư rai lơ, tơ anăp kơnh tơdah đei tơdrong tơblah lu sư pơgơ̆p hăm lu ayăt kơ bơ̆n blah bơ̆n păng kơdâu jăk hloi đơ̆ng dêh 'nâu.

Je 31:36

“Tơdah layơ tơdrong juăt âu hiong đơ̆ng anăp Inh, na kơplah noh adrĕch adrung Isơrael kư̆m hiong hlŏng hloi ưh pă jô̆ minh adrĕch 'bơ̆t anăp Inh.” Noh Kră Yang khan.

Tơdrông Pơđơk 1:12

Lu bơ̆n gô luăn lu sư oei arih thoi dêh hơtâu, Păng luăn oei akâu hơpôm thoi đe huŏng lăm sơlŭng bơsat.

Jang 4:17

Mă-lei bơ̆n athei khă bre sư bơtho tơdrong Yêsu wă kơ tơdrong noh jah tôch.”

Jôsuê 9:2

hơdai minh jơhngơ̆m đon wă blah Jôsuê hăm kon pơlei Isơrael.

Ne 4:2

Sư khan 'bơ̆t anăp lu 'nhŏng oh sư păng lu linh char Samari; lu bơngai Juđa rơdu tơrăn ei pơm kiơ? Lu sư tơchĕng khan kĕ man ming dur pơlei ei hă? Lu sư khan wă pơyơ̆r tơmam soi hă? Lăm minh năr lu sư gô pơm keh hă? Tơmo đêl ŭnh sa đĭ boih, lu sư hăm wă gơh iŏk đĭ jing 'mui teh pơm pơjing thoi tơmo dơ̆ng hă?

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.