Horiso 78:71 - Sơ̆p Hlabơar Nơ̆r 'Bok Kei-Dei

⁷¹ Sư rôp iŏk Đawit đơ̆ng oei wei-lăng triu. Wă kơ Đawit jing bơngai wei-lăng adrĕch Jakôp, kon pơlei pơla Sư. Pơm pơtao Isơrael, kon pơlei pơla sư.

Horiso 78:71 Referans Kwoze

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

I Ho 11:2

Adrol sơ̆ mă kơplah Sôl oei pơm pơtao, ih boih pơgơ̆r chông kon pơlei Isơrael lĕch; dah wih brŏk. Kră Yang 'Bok Kei-Dei ih đei khan: ‘Ih gô wei rong kon pơlei Isơrael Inh; păng ih gô pơm yŏng pơgơ̆r lu sư.’ ”

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Horiso 28:9

Apinh ih dŏng pơklaih kon pơlei pơla Ih păng tuh ăn pŭn hiôk kơ tơmam Ih yua. Apinh Ih wei rong păng tơgŭm dŏng lu sư ling-lang hlŏng hloi.

Bl 33:13

Jakôp tơl: Ơ 'nhŏng, Ih băt boih kơ lu hơ'lơ̆p oei 'lơ̆p dêh; păng oh oei chă chơng lăng lu triu păng rơmo yŏng mă kon sư oei mŏm; tơdah bơ̆n yak năm dơ̆ng pă minh năr lei kơnh hli kơ lu sư lôch đĭ.

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

II Sam 20:19

Lu nhôn jơ̆ bơngai oei hiôk-hian păng tơnăp lăm char Isơrael. Mă-lei ih chă đon wă pơrăm lê̆ minh pôm pơlei mĕ lăm Isơrael! Thoi yơ ih mă 'maih pơrăm lê̆ mŭk tơmam Kră Yang?”

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”