Horiso 78:58 - Sơ̆p Hlabơar Nơ̆r 'Bok Kei-Dei

⁵⁸ Đơ̆ng anih kơjung lu sư pơm kơ Kră Yang blĕk; Pơm ăn kơ Sư hil ơha yua kơ rup yang,

Horiso 78:58 Referans Kwoze

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

I Pot 11:7

Kơpal groi gah hơlĕch kơ pơlei Jêrusalem Sôlômôn man minh pôm hnam kơ Kêmôs yang lu bơngai Môap păng kơ yang Môlek yang lu bơngai Ammôn.

Both 12:2

Pơrăm đĭ lu anih ayơ lu adrĕch adrung, mă lu iĕm gô blah puh lê̆, lu anih kơkuh kơ yang lu sư, tơ kơpal kông kơjung dah tơ kơpal groi dah tơ ala yơ̆p 'long,

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Je 8:19

Ei, mơ̆ng bĕ, lu kon pơlei Inh nhơ̆m hmoi đơ̆ng char ataih, “Kră Yang ưh pă oei lăm Siôn boih hă? Pơtao ưh pă oei lăm noh boih hă?” “Liơ lu sư pơ̆n tơblĕk Inh yua rup yang man, hăm rup yang traih ưh kơ yua đơ̆ng dêh tơmoi?”

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Horiso 79:5

Ơ Kră Yang! Dĭng truh dang yơ? Ih wă hil khŏm khŏm hloi ah? Ih wă hil gar oei sa thoi ŭnh ah?

I Pot 11:10

Khan kơ sư bơih ih 'nĕ kơ kiơ̆ lu yang nai; mă-lei sư ưh kơ chu kiơ̆ nơ̆r Kră Yang tơtă.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

Lu 2:17

Mă-lei lu sư kư̆m ưh kơ wă mơ̆ng lu 'bok sek tơlang lu sư kiơ̆ kơkuh kơ yang nai. Lu sư ưh kơ rok kiơ̆ trong mă đêl yă 'bok lu sư yak, ưh kơ rok kiơ̆ păng ưh kơ wei răk tơdrong juăt Kră Yang.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 12:4

Iĕm 'nĕ kơkuh kơ Kră Yang 'Bok Kei-Dei lu iĕm kiơ̆ thoi lu adrĕch noh.

Jo 33:52

Puh bĕ pơđĭ kon pơlei oei lăm char noh đơ̆ng anăp lu iĕm, pơrăm pơđĭ lu rup yang mă lu sư mam hling kơtă păng kư̆m athei pơrăm lê̆ đĭ lu anih kơjung mă lu sư pơm yang.

Le 34:14

Iĕm 'nĕ kơ drap kơkuh kơ lu yang nai ôh. Yua kơ Inh boih Kră Yang jơ̆ 'Bok Kei-Dei tơ'ngla băt gar.

Lu 3:19

Mă-lei sư kơdih wih tơ rŏng tơ sơlŭng đe iŏk tơmo jê̆ tơ Gilgal, na wơ̆t brŏk khan: Ơ pơtao, inh đei minh nơ̆r hlơp wă roi kơ ih. Na pơtao athei: Thĕng bĕ! Na đĭ-đăng kơ lu bơngai bơ̆jang kơ pơtao lĕch tơ 'nguaih.

II Pot 17:9

Kon pơlei Isơrael oei ôn klĕnh pơm dôm lu tơdrong ưh kơ trŏ tơplơ̆ hăm Kră Yang 'Bok Kei-Dei lu sư, pơdơ̆ng pơjing lu anih kơjung kơkuh kơ lu yang nai lăm jơ̆p kơ pơlei lu sư, đơ̆ng pơlei iĕ truh kơ pơlei tih kơjăp.

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Ho 21:11

Sư kư̆m pơm ming lu anih kơjung tơ kơpal groi char Juđa, pơhlŭ pơtơm kon pơlei mă oei lăm pơlei tih Jêrusalem pơm kơnê̆ oei sa kư̆ kă pơm kơ Juđa wơ̆l jrok.