Horiso 74:15 - Sơ̆p Hlabơar Nơ̆r 'Bok Kei-Dei

¹⁵ Ih boih pơih tu đak lĕch ăn kơ krong đei đak ro, păng pơhrơ̆ lê̆ lu đak krong tih.

Horiso 74:15 Referans Kwoze

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

Êsai 48:21

Kơplah Kră Yang chông ba lu sư năm lăm char glă, lu sư ưh kơ đei ol kơ đak, Kră Yang ăn đak lĕch đơ̆ng tơmo. Kră Yang blah tơmo. Na đak lĕch ro.

Horiso 105:41

Sư blah tơmo, na đei hloi đak lĕch, ro tơ char glă thoi đak krong.

Jôsuê 2:10

Lu nhôn kư̆m băt hơdah, lu iĕm lĕch đơ̆ng char Êyiptơ, Kră Yang pơm ăn kơ đak Dơsĭ 'Brê hrơ̆, tơ'bôh hơdah 'bơ̆t anăp lu iĕm păng lu iĕm đei pơm boih kơ Sihôn păng Ôk, 'bar 'nu pơtao Amôrit, gah to đak Krong Jôrđăn, mă lu iĕm đei pơlôch pơrăm đĭ boih.

Tơdrông Tơ'bôh 16:12

Linh jang mă tơdrâu tuh đak pơgang đơ̆ng pơnhan sư tơ krong tih mă đe anăn krong Êphrat, na krong ei jing hrơ̆ hloi jing trong hrĕng 'lơ̆ng ăn kơ lu 'bok pơtao đơ̆ng gah hơlĕch wă năm tơblah.

Habakuk 3:9

Ih iŏk hră đơ̆ng tơpu, trŏ thoi nơ̆r Ih pơkă, nơ̆r pơkă hăm lu adrĕch adrung noh nơ̆r sĭt tơpă. Sêla Ih blah klah asong teh hăm đak glung: Lu kông 'bôh Ih tơtơ̆ rơrĭnh rơrănh.

Êsai 44:27

Sư khan kơ sơlŭng jrŭ ‘hrơ̆ hrĕng bĕ, Inh gô pơm kơ lu krong hrơ̆ kro.’

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Horiso 78:15

Sư blah tơmo lăm char 'blach, ăn kơ lu sư đak nhă hrăp thoi đơ̆ng tu đak jrŭ,

II Pot 2:8

Êli thar iŏk ao đaih sư, lôm huăt tơ đak krong, na đak krong tơklah 'bar na bre sư tŏk, nơnăm kơpal teh hrĕng.

II Pot 2:14

Sư iŏk ao 'nguaih đơ̆ng sư dônh 'noh sư huăt tơ đak păng khan: “Kră Yang 'Bok Kei-Dei Êli tơ yơ?” Lăp sư huăt tơ đak bơih đak tơklah 'bar pah, đơ̆ng noh Êlisê tŏk hĭ.

Horiso 114:3

Đak dơsĭ 'bôh thoi noh, na kơdâu ôn; Đak Krong Jôrđăn ro hơlơ̆k tơ rŏng,