Horiso 73:3 - Sơ̆p Hlabơar Nơ̆r 'Bok Kei-Dei

³ Yua kơ inh 'bôh lu bơngai kơnê̆ đei tơdrong hiôk chơt. Inh đei jơhngơ̆m gar lu bơngai pơang.

Horiso 73:3 Referans Kwoze

Jop 21:7

Liơ lu bơngai kơnê̆ oei arih, Rai arih sot păng rai kĕ pran?

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Tơdrông Pơđơk 23:17

'Nĕ ăn jơhngơ̆m ih arih 'ngeng kơ lu bơngai yoch. Mă-lei athei arih băt hli yom kơ Kră Yang rim năr.

Horiso 37:7

Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.

Horiso 37:1

'Nĕ kơ tơtăm kơ đe pơm kơnê̆, Kŭm 'nĕ kơ gar 'ngeng kơ lu bơngai pơm kơnê̆.

Tơdrông Pơđơk 24:1

'Nĕ 'ngeng kơ lu bơngai pơm kơnê̆, Ih kư̆m 'nĕ kơ wă 'maih oei hơdai hăm sư.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”

Tơdrông Pơđơk 3:31

'Nĕ kơ gar hăm bơngai pơm kơnê̆, Păng 'nĕ kơ kiơ̆ trong sư ôh.

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Jop 17:8

Lu bơngai tơpăt lăng inh hlĭch kơ đon, na bơngai ưh kơ yoch iung blĕk kơ bơngai kơnê̆.

Jop 24:23

Kră Yang lê̆ lu sư arih hiôk hơđơ̆ng. Măt Kră Yang oei răp lăng trong lu sư

Horiso 10:5

Trong sư đei jinga ling-lang; Tơdrong Ih sek tơlang Kră Yang tih tơpă hloh kơ, măt lu sư 'bôh; Sư hiĕk pơjăm đĭ-đăng lu ayăt kơ sư.

Bôk Bơthô 7:15

Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”